সমললৈ যাওক

ফণী শৰ্মা

ৱিকিউদ্ধৃতিৰ পৰা

ফণী শৰ্মা (ইংৰাজী: Phani Sharma; ১৯০৯ – ১৯৭০) আছিল এজন অসমৰ নাট তথা চলচ্চিত্ৰ অভিনেতা, নাট্যকাৰ আৰু পৰিচালক। মঞ্চ অভিনেতা হিচাপে আত্মপ্ৰকাশ কৰি তেখেতে পিছলৈ প্ৰথম অসমীয়া চলচ্চিত্ৰ জয়মতী (১৯৩৫)-ত অভিনয় কৰে। তেখেতে ১৯৪৮ চনত ছিৰাজ আৰু ১৯৫৫ চনত পিয়লী ফুকন বোলছবি পৰিচালনা কৰাৰ লগতে তাত অভিনয় কৰে।

উদ্ধৃতিসমূহ[সম্পাদনা কৰক | উৎস সম্পাদনা]

  1. বিশাল ব্ৰহ্মপুত্ৰই অসমৰ সংস্কৃতি৷ কত নৈ, কত উপনৈ বৈ বৈ যেনেকৈ ব্ৰহ্মপুত্ৰৰ বিশালতা সৃষ্টি কৰিছে, সেইদৰে অসমীয়া কৃষ্টিতো তাৰ বিশালতাৰ কাৰণে বহু উপকৃষ্টিয়ে অৱদান দিছে৷[১]
  2. অসমীয়া কৃষ্টিৰ বিষয়ে ফঁহিয়াই চালে পোৱা যাব যে ই বৈচিত্ৰ্যৰ মাজত ঐক্যৰ সাক্ষ্যদান দিয়ে৷[১]
  3. অসমৰ সমাজ ব্যৱস্থাৰ আমূল পৰিৱৰ্তন নহ'লে অসমৰ দাৰিদ্ৰ-ক্লিষ্ট অসহায় শিল্পীসকলৰ অৱস্থা পৰিৱৰ্তনো কেতিয়াও হ'ব নোৱাৰে- যিমানেই মোহিনী মন্ত্ৰেৰে এটা দলে শিল্পীসকলক মুগ্ধ আৰু লুব্ধ নকৰক৷[১]
  4. ব্ৰহ্মপুত্ৰৰ গতি যেনেকৈ কোনেও ৰোধিব নোৱাৰে-অসমীয়া কৃষ্টিৰ গতিও কোনেও ৰোধিব নোৱাৰে৷[১]
  5. মই বহুবাৰ কৈছোঁ অধ্যাত্মিক, আধিদৈৱিক, আধিভৌতিক কৰ্ষণেই কৃষ্টি৷ মানৱ সমাজৰ জীৱন যাত্ৰাপথৰ যি শকতি মানৱ জীৱনৰ জীৱিকা নিৰ্বাহৰ যি মুকুতি, কালৰ ৰথৰ চকাৰ অগ্ৰগতিৰ লগে লগে মানৱ সমাজ জীৱনৰ যি প্ৰগতি সেয়া হ'ল কৃষ্টি৷ সেই কৃষ্টি যেতিয়া সংস্কাৰ কৰা হয়, মানৱ সমাজৰ উপযোগীকৈ সেই কৃষ্টিয়ে হয় সংস্কৃতি ৷[১]

তথ্যসূত্ৰ[সম্পাদনা কৰক | উৎস সম্পাদনা]

  1. ১.০ ১.১ ১.২ ১.৩ ১.৪ পূজাৰী বেদান্ত (সম্পাদনা) (নৱেম্বৰ ২০২৩)। সাক্ষাৎকাৰ ৩০। গুৱাহাটী। বনলতা, পৃষ্ঠা:১৮-২১। ISBN: ৯৭৮-৯৩-৫৮৪৯-২৫৮-৩