জিভা-কেঁকুৰি
জিভা-কেঁকুৰি (ইংৰাজী: Tongue twister) হৈছে খৰকৈ আৰু শুদ্ধকৈ পঢ়িবলৈ বা উচ্চাৰণ কৰিবলৈ অসুবিধা হোৱা শব্দ, বাক্যাংশ বা বাক্য। ইয়াক এক প্ৰকাৰৰ কথিত (বা গোৱা) শব্দৰ খেল হিচাপে ব্যৱহাৰ কৰিব পাৰি। ইয়াৰ উপৰিও, উচ্চাৰণৰ আৰু বাকপটুতাৰ মান উন্নত কৰিবলৈ এইসমূহ ব্যায়াম হিচাপে ব্যৱহাৰ কৰিব পাৰি। কিছুমান জিভা-কেঁকুৰিয়ে এনে ফলাফল প্ৰক্ষেপ কৰে যিবোৰৰ ভুল উচ্চাৰণসমূহ হাস্যকৰ (বা হাস্যকৰভাৱে অশ্লীল) হয়, আনহাতে আন কিছুমানৰ মনোৰঞ্জনমূল্য কথনৰ সময়ত বক্তাৰ বিভ্ৰান্তি আৰু ভুলৰ ওপৰত নিৰ্ভৰ কৰে।
জিভা-কেঁকুৰি
[সম্পাদনা কৰক | উৎস সম্পাদনা]
- কলপাত লেৰেলিলে নে নেলেৰেলিলে৷
- ছশডাল চঁছা কামি, ছশডাল নচঁছা কামি৷
- নাহৰ ডালৰ নালৰ লাহনি৷
- পানী তপতালে তপতাবি নতপতালে নতপতাবি।
- বগাকৈ বগলী বহলাই বহিছে
- বলুকাত বিয়লি বেলা,
- বকুল বাগৰিছে ববচা বনতে
- বুটলি বিলাওঁগৈ ব’লা।
- বিহাৰৰ বিহাৰী, বিহালীৰ বিলাহী।
- লাউ পুলি ল'ৰাই ৰুলোঁ
- ৰুলোঁ লৰাই লফা,
- ঘূৰাই ঘূৰাই উৰাই ঘূৰাই
- তাঘুৰ ঘূৰাই মাতা।
- হলৌ উঠিল টকৌ গছত
- লগাই খদৌ মদৌ,
- জৌ জৌ কৈ সৰিল নিয়ৰ
- হ’ল জলৌ জপৌ।[১]
লগতে চাওক
[সম্পাদনা কৰক | উৎস সম্পাদনা]উৎস
[সম্পাদনা কৰক | উৎস সম্পাদনা]- ↑ (১৯৯৭) ‘কুঁহিপাঠ’ [নতুন সংস্কৰণ], ত্ৰয়োদশ তাঙৰণ, গুৱাহাটী। অসম ৰাজ্যিক পাঠ্যপুথি প্ৰণয়ন আৰু প্ৰকাশন নিগম লিমিটেড।
