ৰবি শৰ্মা

ৰবি শৰ্মা অসমৰ চলচ্চিত্ৰ জগতৰ এজন জনপ্ৰিয় অভিনেতা। অসমৰ ভ্ৰাম্যমাণ থিয়েটাৰ সমূহতো তেখেতে নিয়মিতভাৱে অভিনয় কৰি আহিছে।

উদ্ধৃতিসমূহ

1. মই নিজকে সমাজৰ বাবে ভাল চিন্তা কৰা এজন মানুহৰ শাৰীত ৰাখিব খোজোঁ। আৰু মোৰ বাবে এইদৰে ভাল কৰাৰ মাধ্যম হৈছে - চিনেমা।
2. তথ্যগত যিকোনো তিক্ত কথাক আমি চিনেমাৰ ৰূপত মনোগ্ৰাহী কৰি মানুহৰ আগত তুলি ধৰিব পাৰোঁ যাতে মানুহৰ চিন্তাধাৰাত ভাল আৰু বেয়াৰ পাৰ্থক্য নিৰূপণ কৰাত চিনেমাৰ এক প্ৰভাৱ থাকে।
3. কিতাপৰ পিছতে চিনেমা হৈছে কলাৰ আটাইতকৈ শক্তিশালী দৃশ্য-শ্ৰব্য মাধ্যম যাক আমি মনোৰঞ্জক কৰি মানুহৰ আগত প্ৰদৰ্শন কৰিব পাৰোঁ।
4. চাপগ্ৰস্ত মন-মগজুক শীতলোৱা একমাত্ৰ উপায় সংগীত মোৰ বাবে।
5. চিনেমা ভাষিক হে, ক্ষেত্ৰভিত্তিক নহয়।
6. চিনেমা আৱেগত চলা বস্তু নহয়। চিনেমা চাবলৈ মানুহে নিজৰ কষ্টোপাৰ্জিত ধন ব্যয় কৰে, সময় দিয়ে। গতিকে চিনেমা একোখন অকল আৱেগত নচলে।
7. মোৰ বাবে চিনেমাৰ কোনো ধাৰা নাই। মোৰ বাবে চিনেমাৰ দুটাই ভাগ - ভাল চিনেমা আৰু বেয়া চিনেমা।
8. এজন ব্যক্তিয়ে ৰৈ থাকিও বহুত কিবাকিবি কৰিব পাৰে, পিছে নকৰোঁ বুলি ভবাজনে একো নকৰে।
9. যদিহে দক্ষতা আৰু অভিনয়ৰ প্ৰতি প্ৰেম নিজৰ ভিতৰত নাথাকে, তেন্তে কোনেও চাবুক মাৰি কাকো অভিনয় কৰাব বা গান গোৱাব নোৱাৰে।