শংকুৰাজ কোঁৱৰ

শংকুৰাজ কোঁৱৰ হৈছে অসমৰ এগৰাকী গীতিকাৰ, সুৰকাৰ, সংগীত প্ৰযোজক, কণ্ঠশিল্পী আৰু ইউটিউবাৰ। তেওঁ অসমীয়া গীতৰ আধুনিক ইলেকট্ৰনিক সংগীতৰ ধাৰালৈ আগবঢ়োৱা অৱদানৰ বাবে জনাজাত।

উদ্ধৃতিসমূহ

1. সৰুৰে পৰাই অলপ গুণ গুণাই ভাল পাইছিলোঁ। মা-দেউতাহঁতেও পুৰণি অসমীয়া গীতসমূহ খুব শুনিছিল। মোক এইবোৰে আকৰ্ষণ কৰিছিল।
2. মই আকৃষ্ট হৈছিলোঁ নতুন নতুন শব্দৰ প্ৰতি। সুন্দৰ শব্দৰ প্ৰয়োগ আৰু সঠিক ৰূপত প্ৰকাশ কৰিবলৈ মই বহু সময় যুজিছিলোঁ। আৰু ভাল লাগিছিল।
3. মনৰ কিছুমান অনুভূতি সেই ৰূপতে ভাষাৰে বুজাব পৰা নাযায়। কিন্তু শব্দৰ সম্ভাৰে সেয়া সহায় কৰে আৰু নতুন শব্দ বিচাৰি পাওঁ। মই এনেকৈয়ে গীতসমূহত এই শব্দৰে অনুভৱ-অনুভূতি, ভাৱনা, দেশপ্ৰেম প্ৰকাশৰ চেষ্টা কৰোঁ। বহু সময় লাগে - ভাল লাগে মোৰ।
4. প্ৰতিজন শিল্পী সমাজৰ প্ৰতি দায়বদ্ধ হৈ থাকে। মইও সেয়া মানি চলোঁ লগতে পৰিস্থিতি, চিন্তা, সমাজ-সচেতনতাই শিল্পীজনৰ লগতে সৃষ্টিৰাজিৰ সফলতাত ভূমিকা লয়।
5. সম্প্ৰতি স্বকীয়তা বজাই ৰাখি আমাৰ পুৰণি স্বৰ , লিপি, এই সমূহৰ ব্যৱহাৰ ও সংৰক্ষণৰ হকে কাম কৰা উচিত।
6. নতুন শিল্পীসকলে নিজৰ উদ্দেশ্য, ভাৱনা, মতাদৰ্শ আৰু সং-সংগঠিত সামাজিক বাৰ্তাৰে আমাৰ চিন্তা, সপোনবোৰক যাতে চুব পাৰে। সেয়া তেওঁৰ যি কলাৰ সহায়েৰে নহওক কিয় কোনোবাজনে কবিতাৰে। গানেৰে, চিত্ৰশিল্পৰে। এইবোৰত মাথোঁ লাগিব প্ৰৱল ইচ্ছা, সপোন।
7. নতুন চিন্তা, সৃষ্টি যি কৰা যায় তাৰ বৰ্তমানৰ গ্ৰহণযোগ্যতাৰ গুণসমূহ লাগিব।