বৰ্ণালী কলিতা

বৰ্ণালী কলিতা অসমৰ এগৰাকী প্ৰসিদ্ধ কণ্ঠশিল্পী। তেওঁ অসম আৰু উত্তৰ-পূৰ্বাঞ্চলৰ এগৰাকী বিহু ৰাণী। তেওঁৰ জনপ্ৰিয় সংগীত এলবামবোৰৰ ভিতৰত আছে ৰাংঢালী, মৰমজান, মাইনা, অটোগ্ৰাফী ইত্যাদি৷ তেওঁ এতিয়ালৈ ১০,০০০ৰো অধিক গান গাইছে৷

উদ্ধৃতিসমূহ

1. মই ইমান গভীৰলৈ গৈ নাভাবোঁ যে মই সুখী নে দুখী৷ কিন্তু এইটো কব পাৰো যে Music makes me happy,যদি কেতিয়াবা সংগীত মোৰ জীৱনৰ পৰা আতৰি যায় তেতিয়া কেনেকুৱা ধৰণৰ মানুহ এগৰাকী হৈ থাকিম, সেইটো মই কব নোৱাৰোঁ৷ সংগীত অবিহনে মোৰ অস্তিত্বই নাথাকিব চাগে৷
2. মোৰ সংগীতৰ লগত সম্পৰ্কটো একেবাৰে পানীকেঁচুৱা হৈ থকাৰে পৰা৷
3. সংগীতৰ বিশেষ একো পৰিবৰ্তন হোৱা নাই,যদি পৰিবৰ্তন হৈছে সংগীতৰ লগত জড়িত মানুহবোৰৰ জীৱন ধাৰণৰ৷ প্ৰায় সকলোৱে উপলব্ধি কৰিছে,কেৱল মাত্ৰ সংগীতকে পেছা হিচাপে লৈ চলিব নোৱাৰি৷ জীৱন ধাৰণৰ বাবে অন্য এটা পথো খোলা ৰাখিব লাগে৷
4. যদি বৰগীতৰ পৰা চাওঁ,বা বৰগীত জ্যোতি সংগীত,ৰাভা সংগীত,ভূপেন হাজৰিকা দেৱৰ গীত,ৰূদ্ৰ বৰুৱাৰ গীত আদি কৰি গুলজাৰ চাহাবলৈকে; সকলোৰে সংগীতে মোক প্ৰেৰণা দিয়ে৷ সৰুতে এই সকলোবোৰ গীত অনুকৰণ কৰিছিলোঁ৷ মই খুব দাঠি কব পাৰোঁ যে লতাজী,আশাজীৰ ১০০০ মান গীত মুখস্থ আছে৷
5. এতিয়ালৈকে যিমানবোৰ গীতত কণ্ঠ নিগৰাইছো,অধিকাংশই ৰোমান্টিক৷ দুই এটা প্ৰকৃতিৰ ওপৰতো গাইছো৷ কিন্তু সমাজৰ চিন্তা বা আশাক প্ৰতিফলিত কৰিব পৰা গীত বহুত বেছি এতিয়ালৈকে গোৱা নাই৷