ফ্ৰাঁচোৱা ডে লা ৰচফুক'

ৱিকিউদ্ধৃতিৰ পৰা
নেভিগেশ্যনলৈ যাওক সন্ধানলৈ যাওক
শিল্পীৰ তুলিকাত লা ৰচফুক'

ফ্ৰাঁচোৱা ডে লা ৰচফুক' (ইংৰাজী: François de La Rochefoucauld; ১৫ ছেপ্টেম্বৰ ১৬১৩–১৭ মাৰ্চ ১৬৮০) এজন বিখ্যাত ফৰাচী লেখক আছিল। তেওঁ প্ৰবন্ধ আৰু স্মৃতিগ্ৰন্থৰ ৰচনা কৰাৰ লগতে ১৭ শতিকাৰ এজন সম্ভ্ৰান্ত ব্যক্তি হিচাপে পৰিচিত আছিল।

উদ্ধৃতিসমূহ[সম্পাদনা কৰক | উৎস সম্পাদনা]

  • নদী যিদৰে সাগৰলৈ বৈ যায়, সেইদৰে সকলো নৈতিকতাও আত্মস্বাৰ্থ অভিমুখে পৰিচালিত হয়। মানুহে যাক নৈতিকতা বা সদ্‌গুণ আখ্যা দিয়ে, সি অবিমিশ্ৰ সৎ নীতিমূলক নহয়।[১]
  • মানুহে স্বাভাৱিক প্ৰৱণতা হেতুকে যে অন্যায়ক বেয়া পায় তেনে নহয়, অন্যায়ৰ ফলত নিজৰ ক্ষতি হ'ব পাৰে বুলি আশংকা কৰিহে অন্যায়ৰ বিৰুদ্ধে থিয় হয়।[১][২]
  • মানুহে আগতকৈও বেছি উপকাৰ পোৱাৰ আশাতহে কৃতজ্ঞতা প্ৰকাশ কৰে।[১]
  • আমাৰ মনৰ মাজত এনে এটা কিবা আছে যাৰ ফলত বন্ধুৰ দুৰ্ভাগ্যত আমি মনে মনে আনন্দিত নোহোৱাকৈ নাথাকো। [১][২]
  • বন্ধু বাচি লোৱাৰ সময়ত আমি আমাৰ নিজৰ ৰুচি আৰু আনন্দৰ দ্বাৰাহে পৰিচালিত হ‌ওঁ।[১][২]
  • প্ৰকৃত প্ৰেম ভূতৰ আবিৰ্ভাৱৰ দৰে। সকলোৱে ইয়াৰ বিষয়ে কয়, কিন্তু কোনেও ইয়াক দেখা নাই।[১][২]
  • যেনেকৈ দৰৱত কিছু পৰিমাণে বিষ মিহলোৱা হয়, তেনেকৈ সততাৰ সৈতেও অসততা মিহলি হৈ থাকে৷[২]
  • এগৰাকী ভদ্ৰলোকে উন্মাদৰ দৰে ভালপাব পাৰে, কিন্তু নিৰ্বোধৰ দৰে নোৱাৰে৷[২]
  • মানুহে বন্ধুত্ব নাম দিয়া বস্তুবিধ আচলতে এটি ব্যৱসায়িক প্ৰতিষ্ঠান, য’ত পাৰস্পৰিক স্বাৰ্থৰ পিনে লক্ষ্য ৰাখি সুযোগ-সুবিধাৰ আদান-প্ৰদান কৰা হয়৷ ই এবিধ ব্যৱসায় য’ত আত্মাভিমানেই লাভৰ পথ ঠিৰাং কৰে৷[২]
  • যদি এনেকুৱা কিবা বিশুদ্ধ প্ৰেম থাকে যি অন্য ভাবাৱেগৰ পৰা মুক্ত, তেন্তে জানিব লাগিব সেই প্ৰেম হৃদয়ৰ গভীৰত সুপ্ত হৈ থকা প্ৰেম, যাক আমি নিজেও চিনি নাপাওঁ৷[২]
  • সহস্ৰ অনুকৃতি থাকিলেও প্ৰেম কিন্তু এবিধেই৷[২]
  • প্ৰেমৰ পৰিণাম বিচাৰিলে দেখা যাব বন্ধুতকৈ ঘৃণাৰ লগতহে ইয়াৰ মিল অধিক৷[২]
  • প্ৰেমৰ লগত ভূতৰ মিল খুব বেছি৷ সকলোৱে এই দুবিধৰ কথা কয়, কিন্তু দেখা পোৱা মানুহকহে লগ পোৱা নাযায়৷[২]
  • প্ৰেমৰ ক্ষেত্ৰত একনিষ্ঠা এক অন্তহীন বিশ্বাসঘাতকতা৷ প্ৰেমৰ একনিষ্ঠা সম্ভৱ তেতিয়াই হয়, যেতিয়া প্ৰেমক আত্মমৰ্যাদাৰ এটা চিন হিচাপে ধৰি লোৱা হয়৷[২]
  • এনেকুৱা কোনো ছদ্মবেশ নাই, যাৰ দ্বাৰা প্ৰকৃত প্ৰেম অথবা প্ৰেম অভিনয়ক বেছি সময় লুকুৱাই ৰাখিব পৰা যায়৷[২]
  • এনেকুৱা এজনী ছোৱালী পোৱাটো কঠিন নহয়, যাৰ কোনো প্ৰেমিক নাই; কিন্তু এনেকুৱা এজনী ছোৱালী পোৱাটো কঠিন যাৰ মাত্ৰ এজনেই প্ৰেমিক৷[২]
  • প্ৰেমৰ সংজ্ঞা দিয়া কঠিন৷ মাথোঁ ইমানেই ক’ব পাৰি- প্ৰেম হ’ল একছত্ৰ ৰাজত্বৰ ইচ্ছা, মনৰ সমমৰ্মিতা আৰু শৰীৰৰ অনেক ৰহস্য অতিক্ৰম কৰি প্ৰিয়জনক দখল কৰাৰ গোপন আৰু সুক্ষ্ম আকাংক্ষা৷[২]
  • মানুহে যাক নৈতিকতা আখ্যা দিয়ে সি অবিমিশ্ৰ সৎ নীতিমূলক নহয়৷[২]

ৰচফুক'ৰ বিষয়ে[সম্পাদনা কৰক | উৎস সম্পাদনা]

  • লা ৰচফুক' মূলতঃ আছিল এজন নিৰাশাবাদী। তেওঁৰ চকুত ভালটোতকৈও বেয়াটো বৰকৈ পৰিছিল।
    • কনকসেন ডেকা[১]

বাহ্যিক সংযোগ[সম্পাদনা কৰক | উৎস সম্পাদনা]

উৎস[সম্পাদনা কৰক | উৎস সম্পাদনা]

  1. ১.০ ১.১ ১.২ ১.৩ ১.৪ ১.৫ ১.৬ এশখন মহৎ গ্ৰন্থ; সম্পাদনা — কনকসেন ডেকা
  2. ২.০০ ২.০১ ২.০২ ২.০৩ ২.০৪ ২.০৫ ২.০৬ ২.০৭ ২.০৮ ২.০৯ ২.১০ ২.১১ ২.১২ ২.১৩ ২.১৪ ২.১৫ ৰক্তাভ জ্যোতি বৰা (২০০৩)। উদ্ধৃতি অভিধান। বাণী মন্দিৰ, পৃষ্ঠা:৩৫০,২৫১, ২১৩,২১২, ২০৬, ২০০, ১৯৮, ১৯৬, ১৯৭, ১৭৩,।