ত্ৰৈলোক্য নাথ গোস্বামী

ত্ৰৈলোক্য নাথ গোস্বামী (ইংৰাজী: Trailokya Nath Goswami; জন্ম: ১৯০৬ - মৃত্যু: ১৯৮৮) অসমৰ এজন সাহিত্যিক সমালোচক, গল্পকাৰ, নন্দন তাত্ত্বিক, সুবক্তা আৰু শিক্ষাবিদ। ১৯৬৫ চনত ৰচিত আধুনিক গল্প সাহিত্য নামৰ গ্ৰন্থখনৰ বাবে গোস্বামীয়ে ১৯৬৭ চনত সাহিত্য অকাডেমি বঁটা লাভ কৰিছিল।

উদ্ধৃতিসমূহ

• প্ৰাচীন বুলিয়েই কিছুমান বস্তুৰ সমাদৰ নকৰা স্বভাৱ আমাৰ অসমীয়া জাতিটোৰে বেছি নেকি বুলি কেতিয়াবা কেতিয়াবা প্ৰশ্ন কৰিবৰ মন যায়।
• নিজৰ সকলো সংস্কাৰ অবদমিত কৰি সৃষ্ট বস্তুৰ মাজত লুকাই থকা সম্পদৰাজিৰ উদ্ঘাটন আৰু বিশ্লেষণ অকল প্ৰতিভা-সাপেক্ষই নহয়, উদাৰতা আৰু গ্ৰহণ ক্ষমতাৰো ই পৰিচায়ক।
• আমি জীৱনত যিবোৰ অভিজ্ঞতা লাভ কৰোঁ সেই সকলোবোৰ স্মৰণীয় হৈ নাথাকে। কিন্তু কিছুমান অভিজ্ঞতাৰ মাজত আমি বিচাৰি পাওঁ নতুন অৰ্থ।
• প্ৰকাশভঙ্গীৰ চাৰুতাৰ লগতে বস্তুৰ ৰমনীয়তাৰ প্ৰতি সজাগ হোৱাৰ পৰিচয়ৰ ওপৰতে নিৰ্ভৰ কৰিব অসমীয়া গল্প-সাহিত্যৰ ভবিষ্যত।
• কেতিয়াবা কেতিয়াবা সমাজৰ অভিৰুচি অনুসৰি সাহিত্য সৃষ্টি কৰিবলৈ যাওঁতে সাহিত্য নিম্ন স্তৰলৈ নামি যায়।
• বৈচিত্ৰপূৰ্ণ সংসাৰত জন্ম লভিবৰে পৰা মানুহে স্বভাৱতে যত্ন কৰে পাৰিপাৰ্শ্বিক অৱস্থাৰ মাজত নিজকে খাপ খুৱাবলৈ।