সুৰজিৎ গিৰি

ডাঃ সুৰজিৎ গিৰি এজন চিকিৎসক৷ অসমত সৰ্প দংশন সম্পৰ্কীয় সজাগতাৰ সৃষ্টিৰ ক্ষেত্ৰত তেওঁ কাম কৰি আহিছে আৰু গ্ৰাম্যাঞ্চলৰ জনসাধাৰণক সজাগ-সচেতন কৰি আহিছে৷ ১৯৭৭ বৰ্ষৰ ৪ জুলাইত, দিচাংমুখ,শিৱসাগৰত তেখেতৰ জন্ম হয়।

উদ্ধৃতি

1. আগতে সৰ্প-দংশন বুলি ক’লে বেজ-বেজালি আছিল। আজিকালি সৰ্প-দংশন মানে চিকিৎসালয় হ’ল। আগতে দেখা যায় যে সৰ্প-দংশনৰ পিছত বেজ-বেজালি কৰি প্ৰায় সুদীৰ্ঘ পাঁচ ঘণ্টাৰ পিছতহে ৰোগীক হস্পিটেলত ভৰ্তি কৰোৱা হয়, যিটো আজিকালি কমি গৈ বিশ মিনিটমান হৈছেগৈ।
2. সৰ্প দংশনৰ চিকিৎসা কৰিবলৈ চিকিৎসক বা নাৰ্চ এগৰাকী ২৪×৭ ঘণ্টাই উপলব্ধ থকাতো নিতান্তই প্ৰয়োজনীয়। সাধাৰণতে গ্ৰাম্য চিকিৎসলয়ত ঔষধপাতি আছে নে নাই, ক’ত আছে বা ম্যাদ উকলিছে নেকি— সেইবোৰ কথাত জৰুৰীকালীন সময়ত হুলস্থূল লাগি যাব পাৰে।
3. সৰ্প-দংশনৰ চিকিৎসা গাঁৱৰ চিকিৎসালয়তেই সম্ভৱ যাৰ বাবে কোনো অত্যাধুনিক ICU, ভেণ্টিলেশ্বনৰ প্ৰয়োজন নাই, আছে মাত্ৰ সদ ইচ্ছাৰ।
4. কোনবিধ সাপে অধিক পৰিমাণৰ বিষ ঢালে সেইটোৰ কোনো সঠিক উত্তৰ দিব নোৱাৰি। কিছুমানে কমকৈ ঢালিব কিছুমানে বেছিকৈ ঢালিব। গতিকে ই কিমান কষ্ট পাইছে, তাৰ কিমান খং উঠিছে বা প্ৰত্যাক্ৰমণৰ গভীৰতাৰ ওপৰতহে সেইটো নিৰ্ভৰশীল।
5. বৰ্তমান যুগত আমি ছ’চিয়েল মেডিয়াৰ যোগেদি সৰ্প-দংশনৰ বিষয়ে প্ৰকাশ, প্ৰচাৰ আৰু প্ৰসাৰৰ চেষ্টা কৰিছোঁ যিটোৱে চিকিৎসাকৰ্মীসকলক আগবাঢ়ি অহাত উৎসাহ যোগাইছে।