গীতাশ্ৰী তামুলী

গীতাশ্ৰী তামুলী (ইংৰাজী: Gitashree Tamuly) অসমৰ এগৰাকী লেখিকা৷ তেওঁ বি. বৰুৱা কলেজৰ অসমীয়া বিভাগৰ অধ্যাপক৷

উদ্ধৃতি

সাহিত্য আৰু সমালোচনা

1. অষ্টাদশ শতিকাৰ সামৰণি পৰ্যন্ত ঔপনিৱেশিক ইংৰাজ শাসকসকলে ভাৰতত ইংৰাজী শিক্ষা প্ৰচলনৰ বাবে কোনো উদ্যোগ লোৱা নাছিল। বৰঞ্চ চৰকাৰী বিষয়াসকলকহে ভাৰতীয় ভাষাসমূহ শিকি লোৱাৰ বাবে নিৰ্দেশ দিছিল।
2. অসমীয়া প্ৰাচীন সাহিত্যত ৰসৰ পৰিস্ফুটনৰ প্ৰতি কবিসকলৰ বিশেষ ধ্যান থাকিলেও ৰসতত্ত্বৰ আলোচনা পোৱা নাযায়।
3. আধুনিক সমালোচক হ'বৰ কাৰণে যেনেকুৱাখিনি মানসিক সম্বলৰ আৱশ্যক, সকলোখিনি বাণিকান্ত কাকতিৰ আছিল। সৰুটিৰে পৰা তেওঁ আশাশুধীয়া ছাতৰ; বিশেষকৈ ভাষা-সাহিত্যৰ সৌন্দৰ্যৰ প্ৰতি তেওঁৰ চকু কম বয়সৰে পৰা। সকলো কথাৰ তললৈকে ভেদ কৰিব পৰা আৰু তাৰ মৌলিক কথা আৰু গুণবোৰ পলকতে চালি-জাৰি উলিয়াব পৰা শক্তি গভীৰ জ্ঞানান্বেষী বিদ্যাৰ্থীৰূপেই তেওঁ আহৰণ কৰিছিল।
4. বাণীকান্ত কাকতিৰ সাহিত্য-সমালোচনাৰ অধ্যয়নত ঔপনিৱেশিক পটভূমি আৰু জাতীয়তাবাদী প্ৰতিৰোধ এই দুয়োটা শক্তিৰ সবল উপস্থিতি ধৰা পৰে। তেওঁ ব্যৱহাৰ কৰা সাহিত্যিক-নন্দনতাত্ত্বিক পৰিভাষাসমূহ চালে ধাৰণা হয় কাকতি মূলতঃ পশ্চিমীয়া সাহিত্যশালত গঢ় লোৱা চিন্তক।
5. বেজবৰুৱাৰ জীৱনচৰ্যাৰ কেন্দ্ৰীয় ধাৰণা অসম আৰু অসমীয়া নামৰ পৰিচয় দুটাৰ জন্ম আধুনিকতাৰ উদ্‌দ্গমৰ সৈতে জড়িত হৈ আছে।