সমললৈ যাওক

কৃষ্ণকান্ত সন্দিকৈ

ৱিকিউদ্ধৃতিৰ পৰা

কৃষ্ণকান্ত সন্দিকৈ (ইংৰাজী: Krishna Kanta Handique; ১৮৯৮-১৯৮২) অসমৰ এজন লেখক, সংস্কৃত পণ্ডিত আৰু শিক্ষাবিদ। সংস্কৃত আৰু ভাষাতত্ত্বৰ ক্ষেত্ৰত তেখেতৰ দখল আছিল। শ্ৰীহৰ্ষৰ 'নৈষধ চৰিত', সোমদেৱৰ 'যশস্তিলক' আদি গ্ৰন্থৰ অনুবাদৰ জৰিয়তে তেখেতে ৰাষ্ট্ৰীয়-আন্তঃৰাষ্ট্ৰীয় স্তৰত চিনাকি লাভ কৰে। ন বছৰ ধৰি গুৱাহাটী বিশ্ববিদ্যালয়ৰ উপাচাৰ্যৰ ভূমিকা পালন কৰা সন্দিকৈ মাত্ৰ ৩৯ বছৰ বয়সত ১৯৩৭ চনৰ অসম সাহিত্য সভাৰ গুৱাহাটী অধিবেশনৰ সভাপতিও নিৰ্বাচিত হৈছিল।

উদ্ধৃতিসমূহ[সম্পাদনা কৰক | উৎস সম্পাদনা]

  1. অভিজ্ঞতাৰ ওপৰত প্ৰতিষ্ঠিত হ’লেও সাহিত্য বাস্তৱতে অভিজ্ঞতাৰ কেটেলগ বা যাদুঘৰ নহয়। নিৰ্বাচন কৌশল, কল্পনা আৰু ৰীতিৰ সহায়েৰে অভিজ্ঞতাৰ কেঁচা সঁজুলি গঢ়ি পিটি ল’লেহে প্ৰকৃত সাহিত্যৰ সৃষ্টি হয়।[১]
  2. সকলো কামতে পৰিকল্পনাহে আচল কথা৷ সুস্থিৰ পৰিকল্পনা অবিহনে শক্তি, অৰ্থ সকলো অথলে যায়৷[২]
  3. নিৰ্দোষিতা সকলো আনন্দ আৰু সুখৰ মূল৷[২]
  4. জীৱনৰ সময় বৰ কম৷ পঢ়িলে ভাল কিতাপ পঢ়িবা আৰু লিখিবা৷[৩]
  5. সামাজিক আৰু জাতীয় অভিজ্ঞতা, গোটেই জীৱন অভিজ্ঞতা ব্যাপক, বিস্তীৰ্ণ আৰু বৈচিত্ৰ্যপূৰ্ণ হ'লেহে আহল-বহল সাহিত্যৰ সৃষ্টি আৰু বিকাশ হয়৷[৪]
  6. সাহিত্যহীন সমাজ পঙ্গু আৰু বৰ্বৰ আৰু সমাজৰ লগত সম্পৰ্ক নথকা সাহিত্য ক্ষীণ আৰু দুৰ্বল৷[৫]
  7. বাস্তৱতে মানসিক, আধ্যাত্মিক, সামাজিক, ৰাজনৈতিক,ব্যক্তিগত-এনে কোনো অভিজ্ঞতা নাই যি সাহিত্যৰ অন্তৰঙ্গ হোৱা নাই৷ সপোনৰ ছঁয়াময়া অভিজ্ঞতাৰও সাহিত্যৰ আকৰ্ষণ শক্তিৰ বশ হৈছে৷[৬]
  8. সাহিত্যৰ উন্নতিয়েই জাতিৰ উন্নতি৷[৭]

উৎস[সম্পাদনা কৰক | উৎস সম্পাদনা]

  1. অসমীয়া ভাষাত অসমীয়া ব্যক্তিৰ কেইটামান উদ্ধৃতি, ৭ জানুৱাৰী, ২০২২
  2. ২.০ ২.১ উদ্ধৃতি অভিধান, ৰক্তাভ জ্যোতি বৰা
  3. অমৃত বাণী, সংগ্ৰাহক: চন্দ্ৰোপল বৰা, ১ আগষ্ট ২০১৪
  4. সোণসেৰীয়া কথা, সংগ্ৰাহক: দেৱেন শইকীয়া,মিছিছিপি প্ৰকাশন, নৱেম্বৰ ২০১২
  5. সোণসেৰীয়া কথা, সংগ্ৰাহক: দেৱেন শইকীয়া,মিছিছিপি প্ৰকাশন, নৱেম্বৰ ২০১২
  6. সোণসেৰীয়া কথা, সংগ্ৰাহক: দেৱেন শইকীয়া,মিছিছিপি প্ৰকাশন, নৱেম্বৰ ২০১২
  7. (সম্পা)অপূৰ্ব তালুকদাৰ (২০২৩)। মহৎ লোকৰ বাণী। নিষ্ঠা প্ৰকাশন।

বাহ্যিক সংযোগ[সম্পাদনা কৰক | উৎস সম্পাদনা]