সমললৈ যাওক

কবিতা

ৱিকিউদ্ধৃতিৰ পৰা

কবিতা (ইংৰাজী: Poetry) হ'ল সাহিত্যৰ এটা বিশিষ্ট ভাগ। বিভিন্নজনে কবিতাৰ সংজ্ঞা দিবলৈ যত্ন কৰিছে৷ সাহিত্যৰ আটাইবোৰ বিভাগৰ ভিতৰত আটাইতকৈ ডাঙৰ আৰু পুৰণি ভাগটোৱেই হ'ল কবিতা।

উদ্ধৃতিসমূহ[সম্পাদনা কৰক | উৎস সম্পাদনা]

  • কবিতা হ'ল ছন্দোবদ্ধ ৰচনা।
  • কবিতা হ'ল যুক্তিবুদ্ধিক কল্পনাৰে দীপ্ত কৰি সত্যৰ লগত আনন্দৰ সমন্বয় সাধনৰ কলা।[১]
    • ড° জনছন
  • নিৰলাত সোঁৱৰা হিয়াৰ আবেগেই কবিতা।
  • উপচি উঠি আপোনা আপুনি পাৰ বাগৰি যোৱা আবেগৰ ঢলেই কবিতা।[১]
  • কবিতা সকলো জ্ঞানৰে নিশ্বাস, সুকুমাৰ আত্মা।[২]
    • ৱৰ্ডচৱৰ্থ
  • কবিতা হ'ল জীবন বীক্ষা।[১]
    • মেথিউ আৰ্ণল্ড
  • উৎকৃষ্টতম শব্দ পুঞ্জৰ উৎকৃষ্ট তম বিন্যাসেই কবিতা।[১]
    • ক'লৰিজ
  • কবিতা হ'ল স্মৰণীয় বাক্য।[১]
    • অডেন
  • কবিতা হ'ল সংগীতময় চিন্তা।[১]
    • কাৰ্লাইল
  • কবিতা হ'ল, আবেগময় আৰু ছন্দস্পন্দিত ভাষাৰ মাধ্যমত মানৱীয় মনৰ মূৰ্তিমান আৰু শিল্পিত অভিব্যক্তি।[১]
    • থিয়োডৰ ৱাটছ ডাণ্টন।
  • শব্দাৰ্থৌ সহিত কাব্যম (শব্দ আৰু অৰ্থৰ যুগল বসতিয়েই কবিতা)।[১]
    • ভামহ (কাব্যালংকাৰ)
  • বাক্যং ৰসাত্মকং কাব্যম (ৰসময় বাক্যই কবিতা)।[১]
    • বিশ্বনাথ কবিৰাজ (সাহিত্য দৰ্পণ)।
  • ই চিন্তা আৰু শব্দৰ সমন্বয় য'ত আৱেগ সাৱলীলভাৱে নিহিত হৈ থাকে।[২]
    • মিল
  • কবিতা হ'ল শব্দ প্ৰয়োগৰ এক পদ্ধতি য'ত কল্পনাৰ ওপৰত এটা মায়াজাল ৰচনা কৰা হয়।[২]
    • মেকালে
  • কবিতা হ'ল কল্পনাৰ প্ৰকাশ।[২]
    • শ্যেলী
  • কবিতা হ'ল কল্পনা আৰু অনুভূতিৰ ভাষা।[২]
    • হেজিলট
  • কবিতা হ'ল সত্য সৌন্দৰ্য আৰু শক্তিৰ প্ৰতি এক অনুভূতিময় আহ্বান।[২]
    • লে হাণ্ট
  • ই সৌন্দৰ্যৰ এক ছন্দোময় সৃষ্টি।[২]
    • এডগাৰ এলান পো৷
  • কবিতা হ'ল কল্পনা সম্ভূত চিন্তা আৰু ভাবৰ ছন্দোবদ্ধ প্ৰকাশ।[২]
    • অধ্যাপক কৰ্টথপ

উৎস[সম্পাদনা কৰক | উৎস সম্পাদনা]

  1. ১.০ ১.১ ১.২ ১.৩ ১.৪ ১.৫ ১.৬ ১.৭ ১.৮ মহেন্দ্ৰ বৰা (ডিচেম্বৰ ১৯৯০)। সাহিত্য উপক্ৰমণিকা। গুৱাহাটী। ষ্টুডেণ্টচ্ ষ্ট'ৰচ, পৃষ্ঠা:১২-- ১৬।
  2. ২.০ ২.১ ২.২ ২.৩ ২.৪ ২.৫ ২.৬ ২.৭ ড° পৰাগ কুমাৰ ভট্টাচাৰ্য (নৱেম্বৰ,২০০২)। সাহিত্য:সংজ্ঞা আৰু আংগিক। গুৱাহাটী। জ্যোতি প্ৰকাশন, পৃষ্ঠা:১৫-১৬।