অমলা বেজবৰুৱা

অমলা বেজবৰুৱা গণিত বিজ্ঞানত অসমৰ প্ৰথমগৰাকী মহিলা স্নাতকোত্তৰ। তেওঁ আছিল গুৱাহাটী বিশ্ববিদ্যালয়ৰ গণিত বিভাগৰ প্ৰথমগৰাকী মহিলা প্ৰবক্তা। অসম গণিত শিক্ষায়তনৰ পৰা প্ৰকাশিত গণিত বিষয়ক আলোচনী গণিত বিকাশৰ প্ৰথমগৰাকী সম্পাদক আছিল অমলা বেজবৰুৱা।

উদ্ধৃতিসমূহ

1. তেনেই শিশুকালৰ পৰাই বেমাৰী আছিলোঁ বাবে মোৰ ককাদেউতাই মোক স্কুলত পঢ়ুৱাবলৈকে হাক দিছিল।
2. মোৰ ইংৰাজী সাহিত্য পঢ়িবলৈ মন আছিল।
3. আমি বিশ্ববিদ্যালয়ত পঢ়োঁতে গণিত বিভাগত অধ্যাপকৰ নাটনি হৈছিল। নতুন অধ্যাপক একোজন আহি কেইমাহমানৰ পাছতে গুছি যোৱাৰ দৃষ্টান্তও আছে।
4. কেতিয়াও চৰ্চা নকৰা বিষয় এটাত গাইড হ'বলৈ ওলোৱা দৃষ্টান্ত বিৰল। গণিতৰ বিদগ্ধ পণ্ডিত এজনৰ পক্ষেহে সম্ভৱ।
5. মই P.G. Wodehouse, Agatha Christie ৰ হত্যাকাণ্ড, Erle Stanley Gardener অৰ কৰ্টত হোৱা মোকৰ্দ্দমাৰ জেৰা আদি পঢ়া মানুহহে। চেমনীয়া বয়সত পা-ফু ছিৰিজৰ কথা গম নেপালোঁ। আদ বয়সতহে দুই চৰিখন পঢ়ি সোৱাদ ললোঁ।
6. কিছুমান অনুবাদ লিখনি মূলটোতকৈও ভালহে হয়।
7. অৱসৰ পালে যিবোৰ কৰিম বুলি ভাবি আগ্ৰহেৰে সেই দিনটোলৈ ৰৈ আছিলোঁ, সেইবোৰ দেখোন একো কৰিব পৰা নাই। কিবা কামো নাই, আহৰিও নাই যেন হৈছে।