মহাভাৰত বিশ্বাস আৰু বিস্ময়

মহাভাৰত বিশ্বাস আৰু বিস্ময় এখন আধ্যাত্মিকমূলক গ্ৰন্থ।লেখক,চন্দ্ৰ প্ৰসাদ শইকীয়া। প্ৰথম প্ৰকাশ২০০৭,প্ৰকাশক বনলতা।

উদধৃতি

1. মহাভাৰতৰ সৰ্ববৃহত নাৰী-নিৰ্যাতনৰ ঘটনা হল ৰাজসভাত কুলবধূ ৰজঃস্বলা একবস্ত্ৰা দৌপদীক নগ্ন কৰাৰ আসুৰিক প্ৰচেষ্টা আৰু নাৰী নিৰ্য্যাতনৰ দ্বিতীয় সৰ্ববৃহত ঘটনা হল অম্বিকা আৰু অম্বালিকাৰ প্ৰবিত্ৰ শয্যা ব্যাসৰ দ্বাৰা কলুষিত হোৱাতো।
2. নাৰী যেতিয়া প্ৰতাৰিতা, উপেক্ষিতা হয় বিশেষকৈ প্ৰেমৰ ক্ষেত্ৰত, তেতিয়া সেই নাৰীয়ে ভয়ঙ্কৰ পন্থা গ্ৰহণ কৰিব পাৰে।
3. এজনলোক যিমানেই ধাৰ্মিক অথবা উদাৰ নহওক তেওঁৰ বাবে এই পৃথিবীখন সহজ আৰু নিষ্কণ্টক নহয়।
4. শত্ৰু,শত্ৰুৰ মিত্ৰ,শত্ৰুৰ জয়াৰ্থী আৰু নিজৰ পৰাজয়াৰ্থী-এই চাৰি প্ৰকাৰ শত্ৰুৰ পৰা নিজকে ৰক্ষা কৰিবা।
5. অন্যায় যি কৰে আৰু অন্যায় যি সহ্য কৰে, দুয়ো হব লাগিব সমানে দোষী।