ভগৎ সিং

ভগৎ সিঙৰ আলোকচিত্ৰ

ভগৎ সিং (ইংৰাজী: Bhagat Singh; ২৭ ছেপ্টেম্বৰ, ১৯০৭ – ২৩ মাৰ্চ, ১৯৩১) আছিল ভাৰতীয় উপমহাদেশৰ ব্ৰিটিছ বিৰোধী স্বাধীনতা আন্দোলনৰ এজন পুৰোধা ব্যক্তি আৰু অগ্নিযুগৰ ছহিদ বিপ্লবী। দেশৰ স্বাধীনতা সংগ্ৰামৰ তেওঁ আছিল অন্যতম প্ৰভাৱশালী বিপ্লবী। তেওঁক ছহিদ-ঈ আজম ভগৎ সিং নামে অভিহিত কৰা হয়।

উদ্ধৃতিসমূহ

1. পাগল, প্ৰেমিক আৰু কবি, এই তিনিও একে মাটিৰে গঢ়া।
2. মোৰ কলমে মোৰ আৱেগক এইদৰে বুজে যে ম‌ই "ইস্ক্" লিখিবলৈ চেষ্টা কৰিলেও "ইনক্লাব" লিখা যায়।
3. নিজৰ শক্তিৰে জীৱন যাপন কৰা হয়; কেৱল মৃতদেহহে আনৰ কান্ধত কঢ়িয়াই নিয়া হয়।
4. মই এজন মানুহ আৰু মানৱতাক প্ৰভাৱিত কৰা সকলো কথাকে মই গুৰুত্ব দিওঁ।
5. সমালোচনা আৰু স্বতন্ত্ৰ চিন্তাধাৰা দুয়োটা বিপ্লৱী এজনৰ অপৰিহাৰ্য গুণ। (মই কিয় নাস্তিক?)
6. নিজকে বাস্তৱবাদী বুলি দাবী কৰা মানুহে প্ৰাচীন পৰম্পৰাগত সকলো বিশ্বাসক প্ৰত্যাহ্বান জনাব লাগিব। (মই কিয় নাস্তিক?)
7. মই সুধিছো যে আপোনাৰ সৰ্বশক্তিমান ঈশ্বৰে প্ৰতিজন মানুহক পাপ বা অপৰাধ কৰি থকাৰ সময়ত কিয় বাধা নিদিয়ে? সেইটো তেওঁ অতি সহজে কৰিব পাৰিব লাগিছিল। তেওঁ কিয় যুদ্ধাধীন ৰজাসকলৰ যুদ্ধ মনোভাৱৰ অন্ত পেলোৱা নাছিল আৰু বিশ্বযুদ্ধৰ দুৰ্যোগৰ পৰা মানৱজাতিক ৰক্ষা কৰা নাছিল? ভাৰতক মুক্ত কৰাৰ মনোভাৱ তেওঁ কিয় ইংৰাজৰ মনলৈ সঞ্চাৰ কৰিব পৰা নাছিল? (মই কিয় নাস্তিক?)
8. ভগৱানে বিচৰাৰ বাবে ইয়াত ইংৰাজৰ শাসন চলি থকা নাই। তেওঁলোকে আমাক শাসন কৰি আছে, কাৰণ তেওঁলোকৰ ক্ষমতা আছে আৰু তেওঁলোকৰ বিৰোধিতা কৰিবলৈ আমাৰ সাহস নাই। তেওঁলোকে ভগৱানৰ সহায়ত নহয়, বন্দুক, ৰাইফল, বোমা আৰু গুলী, আৰক্ষী আৰু সেনাৰ সহায়ত আমাক নিয়ন্ত্ৰণত ৰাখিছে। আমাৰ উদাসীনতাৰ বাবেই তেওঁলোকে সফলতাৰে সমাজৰ বিৰুদ্ধে আটাইতকৈ জঘন্য অপৰাধ সংঘটিত কৰিছে, এটা জাতিয়ে আন এটা জাতিক নিষ্ঠুৰভাবে শোষণ কৰি আছে। ভগৱান ক'ত আছে? তেওঁ মানৱজাতিৰ এই দুখ-কষ্টবোৰ উপভোগ কৰি আছে নেকি? (মই কিয় নাস্তিক?)

টোকা

(১)^ প্ৰেম

(২)^ বিপ্লৱ