নীল ডিগ্ৰাছ টাইছন

নীল ডিগ্ৰাছ টাইছন (ইংৰাজী: Neil deGrasse Tyson) এগৰাকী আমেৰিকান জ্যোতিৰ্পদাৰ্থবিজ্ঞানী আৰু বিজ্ঞান লেখক তথা জনপ্ৰিয়কাৰক।

২০১৪ চনত নীল ডিগ্ৰাছ টাইছন

উদ্ধৃতিসমূহ

• বিজ্ঞানৰ ভাল কথাটো এইটোৱেই যে আপুনি ইয়াক বিশ্বাস কৰকেই বা নকৰক, ই কিন্তু সঁচা।
• আমি সকলো সংযুক্ত হৈ আছোঁ। ইজনে সিজনৰ লগত জৈৱিকভাৱে। পৃথিৱীৰ লগত ৰাসায়নিকভাৱে। বাকী বিশ্বব্ৰহ্মাণ্ডৰ লগত পাৰমাণৱিকভাৱে।
• আপোনাৰ ভৰকেন্দ্ৰ হৈছে এনে এক ঠাই যলৈ আপুনি ভ্ৰমণ কৰিব নোৱাৰে, কিন্তু আপুনি সদায় ইয়াক লগত লৈ ফুৰে। স্মৃতিৰ দৰে ইও জীৱনৰ বস্তু-বাহানিৰ এক অংশ।
• আমি সকলো বৈজ্ঞানিক পৰ্যবেক্ষণৰ ভিতৰত আটাইতকৈ সহজ পৰ্যবেক্ষণতো ব্যৰ্থ হওঁ— কোনেও মূৰ তুলি নাচায়।
• মানুহে ভাল পায় যেতিয়া তেওঁলোকে আগতে বুজিব নোৱাৰা বুলি ভবা কিবা এটা বুজি পায়। ই এক সবলীকৰণৰ ভাৱ৷
• এটা কথা নিশ্চিত যে জীৱনত যিমানেই গভীৰভাৱে বিমোৰত পৰিছে, সিমানেই নতুন ধাৰণাবোৰৰ প্ৰতি আপোনাৰ মনটো মুকলি হৈ পৰিছে।
• যিকোনো বিন্যাসতেই মই গ্ৰহবোৰৰ অনুৰাগী৷ মোৰ যেতিয়া জন্ম হৈছিল তেতিয়া বুধ, শুক্ৰ, বৃহস্পতি, শনি, ইউৰেনাছ, নেপচুন, প্লুটো, সূৰ্য্য, চন্দ্ৰ আদি সকলো আকাশত আছিল।
• আদালতত প্ৰত্যক্ষদৰ্শীৰ সাক্ষ্য যিয়েই নহওক কিয়, বিজ্ঞানৰ আদালতত ইয়েই আটাইতকৈ নিম্ন প্ৰকাৰৰ প্ৰমাণ।
• বিজ্ঞান হৈছে আৱিষ্কাৰৰ এক দৰ্শন। বুদ্ধিমান অভিকল্পনা হৈছে অজ্ঞানতাৰ দৰ্শন।
• বিশ্বব্ৰহ্মাণ্ডখনে আপোনাৰ বাবে যুক্তিযুক্ততা প্ৰদান কৰাৰ কোনো বাধ্যবাধকতা নাই।
• স্ব-চালিত শিক্ষাতকৈ ডাঙৰ শিক্ষা একো নাই।
• বিজ্ঞান সাক্ষৰতা হৈছে সেই ধমনী, যাৰ মাজেৰে কাইলৈৰ সমস্যাবোৰৰ সমাধান প্ৰবাহিত হয়।