সমললৈ যাওক

টেমচুলা আও

ৱিকিউদ্ধৃতিৰ পৰা

টেমচুলা আও এগৰাকী কবি, গল্পকাৰ, লোকসংস্কৃতিৰ গৱেষক আৰু সাহিত্যিক। তেওঁৰ লেখাসমূহ ইতিমধ্যে জাৰ্মান, ফৰাচী, অসমীয়া, বঙালী আৰু হিন্দী ভাষালৈ অনূদিত হৈছে। উত্তৰ-পূবৰ পৰা ইংৰাজীত সাহিত্য চৰ্চা কৰা সাহিত্যিকসকলৰ ভিতৰত টেমচুলা আওৰ এক সুকীয়া আসন আছে। ২০০৭ চনত তেওঁ সাহিত্যিক অৱদানৰ স্বীকৃতি স্বৰূপে পদ্মশ্ৰী বঁটা লাভ কৰে। ২০০৯ চনত মেঘালয়ে চৰকাৰে তেওঁক ৰাজ্যপালৰ সোণৰ পদকো প্ৰদান কৰে। ২০১৩ চনত তেওঁ চুটিগল্প সংকলন Laburnum for My Head ৰ বাবে ইংৰাজী ভাষাৰ সাহিত্য অকাডেমি বঁটা লাভ কৰে।

উদ্ধৃতি[সম্পাদনা কৰক | উৎস সম্পাদনা]

  1. নগা হোৱাটো ‘এটা জটিল ভাগ্য’। কিন্তু আমাৰ প্ৰসংগত ই দুয়োফালে ধাৰ থকা তৰোৱালৰ দৰে কাৰণ জটিলতা কেৱল ‘বাহিৰৰ মানুহে’ আমাক চোৱাৰ ধৰণতেই নহয়, আমি নিজকে চোৱাৰ ধৰণতো নিহিত হৈ আছে.... নগা হোৱাটো আমাৰ বাবে কেতিয়াও সহজ হোৱা নাই। ‘বন্য’ৰ ৰহস্য আৰু নেতিবাচক শক্তিয়ে সদায় পশ্চিমীয়া মানুহক আগ্ৰহী কৰি আহিছে আৰু ১৯ শতিকাত যেতিয়া নৃতত্ত্ববিদ আৰু নৃতাত্ত্বিকসকলে আমাক ‘আৱিষ্কাৰ’ কৰিছিল, তেতিয়া আমি তেওঁলোকৰ অধ্যয়নৰ বাবে বিজতৰীয়া আৰু ৰোমাঞ্চকৰ নমুনা হৈ পৰিলোঁ, কিন্তু তেওঁলোকৰ দৃষ্টিকোণৰ পৰাহে।[১]
  2. শিশু হ’লেও আমাক খাবলৈ নিমন্ত্ৰণ নকৰা খাদ্য খাই হোৱা ‘লাজ’ৰ অনুভৱৰ বিষয়ে মই সচেতন আছিলো।[২]
  3. এসময়ত মোৰ জীৱনতে পূৰ্বে যিবোৰ খাদ্য সন্মানীয় মানুহে খোৱাৰ অনুপযোগী বুলি গণ্য কৰা হৈছিল, এতিয়া সেই বিশেষ সুবিধাপ্ৰাপ্ত কেইজনমান লোকৰ থালিত বহুমূলীয়া সংযোজন হৈ পৰিল।[২]

তথ্য সূত্ৰ[সম্পাদনা কৰক | উৎস সম্পাদনা]

  1. Temsula Ao, On Being a Naga Essays, Heritage Publishing House, 2014; https://www.thenagarepublic.com/discourse/naga-temsula-ao/
  2. ২.০ ২.১ Ao, Temsula. Once Upon A Life: Burnt Curry and Bloody Rags, Zubaan Publishers, New Delhi, 2013.