চাৰ্লচ ডিকেঞ্চ
চাৰ্লচ ডিকেঞ্চ (ইংৰাজী: Charles Dickens, সম্পূৰ্ণ নাম Charles John Huffam Dickens; ৭ ফেব্ৰুৱাৰী, ১৮১২ – ৯ জুন, ১৯৭০[১]) এজন ইংৰাজ লেখক আৰু সমাজ সমালোচক আছিল। তেখেতে দুখ কষ্টেৰে ভৰা নিজ জীৱনৰ অভিজ্ঞতাৰ ভিত্তিত সাহিত্য সৃষ্টি কৰি ইংৰাজী সাহিত্য সমৃদ্ধিশালী কৰি থৈ গৈছে। চাৰ্লচ ডিকেঞ্চৰ জন্ম ইংলেণ্ডৰ পৰ্টচ মাউঠ নামে ঠাইত ১৮১২ চনত হৈছিল৷[২] চাৰ্লচৰ ১২ বছৰ বয়সত দেউতাক জন ডিকেঞ্চ ঋণৰ দায়ত পৰি জেললৈ যাবলগীয়া হয়। দেউতাকৰ ঋণ পৰিশোধ আৰু সংসাৰ চলোৱাৰ গুৰু দায়িত্ব মূৰ পাতি লৈ সেই বয়সতে চাৰ্লচে মজুৰি কৰিবলৈ লয়। কিন্তু অশেষ কষ্ট স্বীকাৰ কৰিও তেওঁ দেউতাকৰ ঋণৰ ৪০ পাউণ্ড ধন উপাৰ্জন কৰিবলৈ অক্ষম হয়। কাৰখানাত মজুৰি কৰি দিনে মাত্ৰ ১ চিলিং উপাৰ্জন হয়। ইয়াৰেই নিজৰ থকা-খোৱাৰ বন্দৱস্তৰ লগতে পঢ়া-শুনাৰ খৰচো আছে। দেউতাক জন ডিকেঞ্চে ঋণৰ ধন আদায় দিব নোৱাৰাৰ বাবে জেলত তিনিমাহ ম্যাদ সম্পূৰ্ণ কৰিবলগীয়া হয়। তিনিমাহৰ মূৰত জেলৰ পৰা ওলাই জন ডিকেঞ্চে পুনৰ চাকৰিত ধৰে আৰু চাৰ্লচক স্কুললৈ যোৱাৰ সুবিধা কৰি দিয়ে৷[৩]
উদ্ধৃতিসমূহ[সম্পাদনা কৰক | উৎস সম্পাদনা]
- ক্ষুধাক নিয়ন্ত্ৰণ কৰা, দেখিবা তুমি মানৱ প্ৰকৃতিক জয় কৰিছা৷[৪]
উৎস[সম্পাদনা কৰক | উৎস সম্পাদনা]
- ↑ Lansbury, Coral. Dickens, Charles (1812-1870) (English ভাষাত). Australian Dictionary of Biography On Line Edition. প্ৰকাশক: Australian National University. আহৰণ কৰা হৈছে: 2010-03-16.
- ↑ [১] Dickens Family Tree website
- ↑ কনকসেন ডেকা (১৯৯৪)। আধুনিক বিশ্বৰ এশগৰাকী মহান ব্যক্তি। দিছপুৰ প্ৰিণ্ট হাউছ, পৃষ্ঠা:১০৮-১১১।
- ↑ Dickens, Charles। Nicholas Nickleby [Subdue your appetites, my dears, and you've conquered human nature.]। Chapman & Hall। আহৰণ কৰা হৈছে: 4 July, 2023।