কল্পনা চাওলা

কল্পনা চাওলা (ইংৰাজী: Kalpana Chawla; ১৭ মাৰ্চ, ১৯৬২ – ১ ফেব্ৰুৱাৰী, ২০০৩) এগৰাকী আমেৰিকান মহাকাশচাৰী তথা মহাকাশলৈ যোৱা ভাৰতীয় মূলৰ প্ৰথম মহিলা। ১৯৯১ চনৰ এপ্ৰিল মাহত কল্পনা চাওলাই আমেৰিকান নাগৰিক হিচাপে স্বীকৃতি লাভ কৰে। ১৯৯৭ চনত এগৰাকী অভিযান বিশেষজ্ঞ আৰু মুখ্য ৰ'বটিক আৰ্ম অপাৰেটৰ হিচাপে স্পেছ শ্বাটল্ কলম্বিয়াত কল্পনা চাওলাই প্ৰথম মহাকাশ যাত্ৰা আৰম্ভ কৰে। ২০০৩ চনৰ ১ ফেব্ৰুৱাৰী তাৰিখে স্পেছ শ্বাটল্ কলম্বিয়া পৃথিৱীৰ বায়ুমণ্ডলত পুনঃ প্ৰৱেশ কৰাৰ সময়ছোৱাতেই মহাকাশ যানখন ধ্বংসপ্ৰাপ্ত হৈ ছয়জন মহাকাশচাৰীসহ কল্পনা চাওলাৰ মৃত্যু হয়। মৰণোত্তৰভাৱে কল্পনা চাওলাক কংগ্ৰেছনেল স্পেছ মেডেল অৱ অন'ৰ, নাছাৰ মহাকাশ উৰণ পদক আৰু নাছাৰ বিশিষ্ট সেৱা পদক প্ৰদান কৰা হৈছে।

উদ্ধৃতিসমূহ

1. তৰাবোৰে আমাৰ ভাগ্যক ধৰি নাৰাখে, বৰং আমিহে তাক ধৰি ৰাখোঁ৷
2. যদি আপোনাৰ এটা সপোন আছে তেন্তে তাক বাস্তৱায়িত কৰিবলৈ চেষ্টা কৰক। এয়া নিৰ্ভৰ নকৰে যে, আপুনি ভাৰতীয় নাৰী নে অন্য কৰোবাৰ৷
3. জীৱনত বহুত মানুহৰ পৰা অনুপ্ৰাণিত হৈছোঁ৷ শিক্ষাগুৰু আৰু মহান লেখকৰ কিতাপৰ পৰা অনুপ্ৰাণিত হৈছোঁ৷
4. আটাইতকৈ সহজ পথটোৱেই উত্তম পথ হ’বই লাগিব বুলি কোনো কথা নাই৷
5. আপোনাৰ যি কৰিবলৈ মন মেলিছে সেইটোকে কৰা। যদি আপুনি কেৱল লক্ষ্যৰ অৰ্থেহে তাক কৰি আছে আৰু একোৱে উপভোগ কৰা নাই, তেন্তে মই ভাবোঁ আপুনি নিজকে প্ৰতাৰণা কৰিছে।
6. যদি আপোনাৰ সপোন আছে তাক অনুকৰণ কৰা৷