আইজাক নিউটন

শিল্পীৰ তুলিকাত ছাৰ আইজাক নিউটন

ছাৰ আইজাক নিউটন (ইংৰাজী: Sir Isaac Newton; ২৫ ডিচেম্বৰ, ১৬৪২ − ৩১ মাৰ্চ, ১৭২৭) আছিল একাধাৰে পদাৰ্থ বিজ্ঞানী, গণিতজ্ঞ, জ্যোতিৰ্বিজ্ঞানী, প্ৰাকৃতিক দাৰ্শনিক (Natural Philosopher), ৰসায়ন বিজ্ঞনী, ধৰ্মতাত্বিক ইংৰাজ ৰয়েল চচাইটিৰ সদস্য তথা ইতিহাসৰ সবাতোকৈ প্ৰভাৱশালী ব্যক্তিসকলৰ ভিতৰত অন্যতম।

উদ্ধৃতিসমূহ

1. মই জ্যোতিষ্কৰহে গতি গণনা কৰিব পাৰোঁ, কিন্তু মানুহৰ উন্মাদনা নহয়।
2. ম‌ই কোনো প্ৰকল্প তৈয়াৰ নকৰোঁ; কাৰণ প্ৰপঞ্চৰ পৰা যি নিৰ্গত নহয়, সেয়ে হ’ল প্ৰকল্প,— আৰু ভৌতিকেই হ‌ওক বা অধিভৌতিকেই হ‌ওক, ঐন্দ্ৰজালিক গুণসম্পন্ন‌ই হ‌ওক বা ভৌতিক গুণসম্পন্ন‌ই হ‌ওক, পৰীক্ষামূলক দৰ্শনত প্ৰকল্পৰ স্থান নাই।
3. বিশ্ব-ব্ৰহ্মাণ্ডৰ প্ৰতিটো ক্ৰিয়াৰে এক সমান আৰু বিপৰীতমুখী প্ৰতিক্ৰিয়া সদায় বিদ্যমান৷
4. যদি মই আনতকৈ অধিক দূৰত দেখিছো, তেন্তে সেয়া মই মহাপুৰুষৰ কান্ধত থিয় হোৱাৰ বাবেই।
5. আন কোনো প্ৰমাণ নাথাকিলেও ঈশ্বৰৰ অস্তিত্বৰ বিষয়ে মোক পতিয়ন নিয়াবলৈ কেৱল বুঢ়া আঙুলিটোৱেই যথেষ্ট।
6. মোৰ শক্তিবোৰ সাধাৰণ। কেৱল মোৰ পৰীক্ষা-নিৰীক্ষাই মোক সফলতা কঢ়িয়াই আনে।
7. প্ৰতিভা হৈছে ধৈৰ্য্য।