সৰ্বেপল্লী ৰাধাকৃষ্ণন

সৰ্বপল্লী ৰাধাকৃষ্ণণৰ আলোকচিত্ৰ

ড॰ সৰ্বেপল্লী ৰাধাকৃষ্ণণ (৫ ছেপ্টেম্বৰ, ১৮৮৮ – ১৭ এপ্ৰিল, ১৯৭৫) এগৰাকী ভাৰতীয় দাৰ্শনিক, শিক্ষাবিদ আৰু ৰাজনীতিবিদ আছিল। তেওঁ স্বাধীন ভাৰতৰ প্ৰথম উপৰাষ্ট্ৰপতি আছিল। ইয়াৰোপৰি ১৯৬২ চনৰ পৰা ১৯৬৭ চনলৈকে ভাৰতৰ ৰাষ্ট্ৰপতি পদতো নিৰ্বাচিত হৈছিল।

উদ্ধৃতিসমূহ

“মোৰ জন্মদিন হিচাপে উদযাপন কৰাৰ পৰিৱৰ্তে, ৫ ছেপ্তেম্বৰৰ দিনটো শিক্ষক দিৱস হিচাপে পালন কৰিলে মই বেছি সুখী হ’ম।”

“কিতাপ হৈছে এনে এক উপায়, যাৰ সহায়ত আমি বিভিন্ন সংস্কৃতিৰ মাজত সাঁকো নিৰ্মাণ কৰিব পাৰোঁ‌।”

• জ্ঞানে আমাক শক্তি দিয়ে, প্ৰেমে দিয়ে সম্পূৰ্ণতা।
• কু-সংস্কাৰেই হ'ল পৃথিৱীৰ আটাইতকৈ গধুৰ বোজা।
• আমি আমাৰ দেশখনক কঠোৰ পৰিশ্ৰমৰেহে গঢ়িব পাৰিম; শ্লোগানেৰে নহয়।
• মানুহ জ্ঞান-বিজ্ঞানৰ যোগেদি বহুদূৰ আগবাঢ়ি গৈছে যদিও অধ্যাত্ম জীৱনৰ ক্ষেত্ৰত পূৰ্ব-পুৰুষসকলৰ তুলনাত পিছ পৰি আছে।
• চৰিত্ৰ জীৱনৰ প্ৰকৃত লক্ষ্য। চৰিত্ৰৰ ওপৰতে এটা জাতিৰ ভাগ্য গঢ় লৈ উঠে। আমি মহান জাতি এটা গঢ়ি তুলিবলৈ হ’লে অধিকসংখ্যক চৰিত্ৰবান ডেকা-গাভৰুক প্ৰশিক্ষণ দি লব লাগিব।
• মানুহৰ সংহতি সাধনত যিয়ে সহায় কৰে, সিয়ে ধৰ্ম আৰু সেই সংহতি যি বিনষ্ট কৰে সেয়ে অধৰ্ম৷
• মোৰ জন্মদিন হিচাপে উদযাপন কৰাৰ পৰিৱৰ্তে, ৫ ছেপ্তেম্বৰৰ দিনটো শিক্ষক দিৱস হিচাপে পালন কৰিলে মই বেছি সুখী হ’ম।
• যিসকলে আমাক নিজাকৈ ভবাত সহায় কৰে, সেইসকলহে প্ৰকৃত শিক্ষক।
• সহনশীলতা হৈছে সীমিত মনে অব্যৱহৃত অসীমৰ প্ৰতি আগবঢ়োৱা শ্ৰদ্ধা।
• কিতাপ হৈছে এনে এক উপায়, যাৰ সহায়ত আমি বিভিন্ন সংস্কৃতিৰ মাজত সাঁকো নিৰ্মাণ কৰিব পাৰোঁ‌।
• কেৱল জ্ঞান আৰু বিজ্ঞানৰ আধাৰতহে এক সুখী আৰু আনন্দময় জীৱন সম্ভৱ।
• শিক্ষাৰ অন্তিম উৎপাদন এজন মুক্ত সৃজনশীল ব্যক্তি হোৱা উচিত, যি ইতিহাসগত পৰিস্থিতি আৰু প্ৰকৃতিৰ ৰোষৰ বিৰুদ্ধে সংগ্ৰাম কৰিব পাৰে।
• মানুহক ঘৃণা কৰাটো সহজ কথা কিন্তু মানুহক ভাল পাবলৈ চেষ্টা কৰাটো কঠিন কাম৷
• জীৱনটো এক মহৎ উপহাৰ। যিসকলে জীৱনক ভাল নাপায় সেইসকল এই উপহাৰ গ্ৰহণৰ অনুপযুক্ত।
• আমি কোনো বিশেষ জাতি ধৰ্ম বা আদৰ্শবাদৰ সপক্ষে নহওঁ, মানৱতাই আমাৰ লক্ষ্য, শান্তিয়েই আমাৰ কাম্য৷
• ভগৱানে আমাৰ প্ৰত্যেকৰ মাজেৰেই অনুভৱ কৰে, দুঃখ ভোগ কৰে৷ তেওঁৰ গৰিমা, জ্ঞান, সৌন্দৰ্য আৰু ভালপোৱা আমাৰ প্ৰত্যেকৰ মাজেৰেই প্ৰকাশিত হয়৷