হুমাইৰা হিমু

হুমাইৰা নুছৰত হিমু (হুমাইৰা হিমু নামেৰে পৰিচিত; ২৩ নৱেম্বৰ ১৯৮৫ – ২ নৱেম্বৰ ২০২৩) এগৰাকী বাংলাদেশী টেলিভিছন আৰু চলচ্চিত্ৰ অভিনেত্ৰী আছিল। ২০১১ চনত আমাৰ বন্ধু ৰাশেদ ছবিৰ জৰিয়তে তেওঁ চলচ্চিত্ৰ জগতত আত্মপ্ৰকাশ কৰিছিল। তেওঁ ডিবি, সংঘাত, চেয়াৰমেন বাৰী, বাতিঘৰ আৰু শোনেনা সে শোনেনাৰ দৰে টিভি ধাৰাবাহিকত অভিনয় কৰিছিল।

উদ্ধৃতি

• আমি সকলোৱে স্বাৰ্থপৰ। ভাল অভিনেতাও। ইয়াৰ বাবে আমি অস্কাৰ পোৱা উচিত। কাৰণ মিডিয়াৰ জগতত মৃত অভিনেতা-অভিনেত্ৰীক লৈও বেপাৰ চলে। কেতিয়াবা মিছা খবৰো প্ৰকাশ পায়। যিটো একেবাৰেই হ’ব নালাগে।
  • ৫ বছৰ আগৰ মৃত্যু সম্পৰ্কীয় হিমুৰ ভাষ্য ভাইৰেল, সময় টিভি, ২ নৱেম্বৰ ২০২৩।
• আমাৰ কোনোৱেই গোটেই জীৱন জীয়াই নাথাকো। এদিন ময়ো মৰিম। মিডিয়াত মোক লৈ বিভিন্ন কাহিনী বনোৱা হ’ব। সেই কাহিনীক লৈ বাতৰি হ’ব। মৃত্যুৰ পিছত মই নাথাকিম। মই সিপাৰত থাকিম। মই প্ৰতিবাদো কৰিব নোৱাৰিম। সেয়ে মই জীয়াই থাকোঁতেই লাইভলৈ আহি সঁচা কথাখিনি কৈ থৈ যাব বিচাৰোঁ।
  • ৫ বছৰ আগৰ মৃত্যু সম্পৰ্কীয় হিমুৰ ভাষ্য ভাইৰেল, সময় টিভি, ২ নৱেম্বৰ ২০২৩।

হুমায়ৰা হিমুৰ বিষয়ে উদ্ধৃতি

• হিমুৱে মোৰ এখন চিনেমাত অভিনয় কৰিব বিচাৰিছিল। তেওঁ প্ৰায়েই ফোন কৰি কৈছিল, মই প্ৰযোজক যোগাৰ কৰিম। আপুনি কাহিনীটো সাজু কৰক। মই এনেকুৱা প্ৰস্তাৱ পাই অভ্যস্ত, গতিকে এখন কাণেৰে শুনি আনখন কাণেৰে উলিয়াই দিয়াটো মোৰ অভ্যাস। দুয়ো নিজৰ কামত ব্যস্ত, গতিকে আন কাৰো মনত নাথাকে। এনেকৈয়ে বছৰ পাৰ হৈ গ’ল।
  • শাহনেৱাজ কাকলীৰ লিখনিৰ পৰা: সময় টিভি, ৩ নৱেম্বৰ ২০২৩।