মৰিয়ম আষ্টিন অথবা হীৰা বৰুৱা‌ (গ্ৰন্থ)

মৰিয়ম আষ্টিন অথবা হীৰা বৰুৱা‌ অৰূপা পটঙ্গীয়া কলিতাৰ গল্প সংকলন। গ্ৰন্থখনে ২০১৪ বৰ্ষৰ সাহিত্য অকাডেমি বঁটা লাভ কৰিছিল।

উদ্ধৃতিসমূহ

• আমি মতা মানুহক চিনি পাওঁ, কিন্তু এইবোৰ...এই যুদ্ধবাজ বিদেশী মতা মানুহবোৰ...ইহঁতক আমি চিনি নাপাওঁ।
• চৰাই পোৱালি ডাঙৰ হ'লে,উৰণ শিকিলে বাহ এৰি গুচি যায়গৈ।তায়ো যাবলৈ ওলাইছে।উৰণ শিকা চৰাইক বাহত বান্ধি থ'ব নোৱাৰি।।
• বাতৰিকাকতখনৰ এটা কলমজুৰি নিজৰ দেহলাও সন্তানবোৰক এৰি দিয়াৰ আবেদন।প্ৰতিটো আবেদনত এখন এখন ভঙা ঘৰ,তিক্ততা আৰু চকুলো।ধ্বংসস্তূপত বহি ক্লান্ত দম্পতীবোৰে কেনেকৈ হিয়া ঢাকুৰি কান্দে।।
• ইমান চিন্তা নকৰিবা।এদিনটো বিদায় ল'ব লাগিবই।তাৰ ভয়ত ঘৰৰ চুকত হাত-ভৰি কোঁচাই বহি থাকিমনে?আৰু এই বয়সত অলপ-অচৰপ অসুখ-বিসুখ থাকিবই।বুজিছা আমাৰ এই 'শৰীৰ নামৰ মহাশয় ,যা সইব তা সই'।।
• মানুহবোৰহে গোট মাৰি গ'ল,শিল হ'ল,সময় ৰৈ নাথাকিল।পুৱা বেলি ওলাল,দুপৰীয়া হ'ল, ৰাতি জোন-তৰা ওলাল। সময়ে গোট মৰা মানুহবোৰকো লগতে ঠেলি লৈ গ'ল।