মল্লিকা শ্বেৰাৱত
মল্লিকা শ্বেৰাৱত (প্ৰকৃত নাম: ৰীমা লাম্বা; জন্ম: ২৪ অক্টোবৰ ১৯৭৬) এগৰাকী ভাৰতীয় অভিনেত্ৰী যিয়ে প্ৰধানকৈ হিন্দী চলচ্চিত্ৰত অভিনয় কৰে।
উদ্ধৃতিসমূহ
[সম্পাদনা কৰক | উৎস সম্পাদনা]- আজিৰ দিনত কাপোৰ নোলোৱাটোৱেই ড্ৰেছ কোড হৈ পৰিছে আৰু ইয়াৰ আৰম্ভণি মই কৰা নাই। আমি সকলোৱে পৰচৰ্চাপ্ৰিয়, তেন্তে অভিযোগ কিহৰ? যেতিয়ালৈকে ছোৱালীবোৰে মঞ্চত ছুইমচুট পিন্ধি নোজোৱাকৈ মুকুট লাভ নকৰে, তেতিয়ালৈকে সকলোৱে কিয় ইমান ধৰ্মধ্বজী সাজি থাকে?
- বিনা বক্সী (মে' ২০০৪). The Babe with Balls.
- মই ক’ব বিচাৰো যে মই সমালোচনা ভালদৰে গ্ৰহণ কৰিব পাৰোঁ। আচলতে সমালোচকৰ মন্তব্য পঢ়ি মই আনন্দ পাওঁ। সমালোচকে আপোনাক সদায় সমালোচনা কৰি থকাটো ভাল। ই আপোনাক সজাগ কৰি ৰাখে, উৎসাহিত কৰে, প্ৰত্যাহ্বান জনায় আৰু উন্নত হ’বলৈ বাধ্য কৰে। মই সকলো কথা ইতিবাচকভাৱে লওঁ। শিকাৰ আৰু কৰিবলগীয়া বহুত আছে।
- Movie Mag International (ছেপ্টেম্বৰ ২০০৪)
- মই ভাবোঁ এগৰাকী মহিলা যি আত্মবিশ্বাসী, যি নিজৰ সামৰ্থ্য আৰু সীমাবদ্ধতাৰ বিষয়ে সচেতন আৰু যিয়ে বিফলতাক জীৱনৰ অংশ হিচাপে মৰ্যাদাৰে গ্ৰহণ কৰে। এই সকলোবোৰৰ সংমিশ্ৰণে এগৰাকী মহিলাক ধুনীয়া কৰি তোলে।
- The Quest for beauty (১৬ জুন ২০০৬).
- মই সঁচাকৈয়ে নিৰামিষভোজী, আৰু ইয়াৰ বাবে গৌৰৱান্বিত! আপুনি কি ভাবে মই মোৰ শৰীৰ কেনেকৈ ঠিক কৰি ৰাখোঁ?
- এজন অনুৰাগীয়ে টুইটাৰত সোধা প্ৰশ্নৰ উত্তৰত; "Mallika: the vegetarian man eater", হিন্দুস্তান টাইমছ (৫ জুন ২০০৯); লগতে "Sexiest Veggies", এন ডি টি ভি-ত উল্লিখিত।
- ভেগানিজম কোনো হুজুগ নহয়, ই এক স্বাস্থ্যকৰ জীৱনশৈলীৰ পছন্দ। ... হয়, ভাৰতত ভেগানিজমৰ প্ৰসাৰৰ বাবে মোৰ বহু পৰিকল্পনা আছে। এজন বন্ধুৰ ৰেষ্টুৰেণ্টৰ সৈতে লগ লাগি মই ভাৰতীয় সোৱাদত ভেগান খাদ্য পৰিৱেশন কৰাৰ পৰিকল্পনা কৰিছোঁ। মই আন্তঃৰাষ্ট্ৰীয় ৰান্ধনীসকলক মাতি আনি কিছুমান সুস্বাদু ব্যঞ্জন তৈয়াৰ কৰাৰ পৰিকল্পনা কৰিছোঁ। এবাৰ মানুহে দেখিলে যে ভেগান খাদ্য কিমান পুষ্টিকৰ আৰু সুস্বাদু হ'ব পাৰে, তেতিয়া তেওঁলোকে স্বাস্থ্যকৰ গাখীৰবিহীন জীৱনশৈলী আঁকোৱালি ল'ব।
- "Mallika Sherawat to promote veganism in India", বলিউড হাংগামা (১১ এপ্ৰিল ২০১৮)।
Cine Blitz মেগাজিন (জুলাই ২০০৫)
[সম্পাদনা কৰক | উৎস সম্পাদনা]- মোৰ বিষয়ে মানুহে কি কয় তাক লৈ মই চিন্তা নকৰোঁ। মই নিজৰ লক্ষ্যত স্থিৰ। আৰু মই নাভাবো যে কোনোবাই নিজক অতি বেছি গুৰুত্বসহকাৰে লোৱা উচিত। মই সদায় কওঁ হাঁহিমুখীয়া বুদ্ধৰ দৰে হওক, জীৱনত হাঁহি থাকক! তেতিয়াই সকলোবোৰ ভাল লাগিবলৈ আৰম্ভ কৰিব!
