বেদনাৰ উল্কা (গ্ৰন্থ)

বেদনাৰ উল্কা অম্বিকাগিৰী ৰায়চৌধুৰীৰ কবিতা পুথি।৪৬ টা কবিতাৰ সংকলনেৰে পুথিখন ১৯৬৪ চনত প্ৰকাশ পাইছিল। এই কবিতাপুথিখনৰ বাবে তেওঁ মৰণোত্তৰভাৱে সাহিত্য অকাডেমী বঁটা লাভ কৰে৷

উদ্ধৃতিসমূহ

• দেশও জ্বলিব, জাতিও জ্বলিব
  চিন-ছাব-নাম সকলো জ্বলিব-
  ময়ো জ্বলি যাম ভস্ম হ'ই-
  কি কৱিতা লিখোঁ মই?
  সান্তনা লওঁ কাক কি ক'ই?
• নেতাৰ বেদীত দলীয় দাপৰ
  উন্মাদনাত ধৰিছে ফাপৰ,-
  পাছ-দুৱাৰেদি ভোটৰ হাটত দেশৰ বিক্ৰীৰ খলকনি,
  আগ-চোতালত কোৱাৰি বিদৰা আইডোল'জীৰ কাকধ্বনি,-
  তেলপেৰা দৰে প্ৰগতি-পেৰাত পেৰপেৰকৈ আছে ওলাই
  বাট-ঘাট-হাট পদূলি-পথাৰ ভৰাই কেৱল ঠেঙা-হাৱাই,
• আত্মবোধৰ অভাৱতেই
  আত্মহত্যা ঘটে দোষ,
  নিৰ্জ্জীৱতাত নিঃচিহ্ন হয়
  সমূলঞ্চে জীৱন-কোষ।
• জীৱন শিপোৱা দেশৰ মাটিত
  খোপ নেৰেবি জিয়ৰী পো-
  মেৰু পোণাই বুকু ফিন্দাই
  জীয়াৰ যুঁজত জয়ী হ'-
  দেশৰ মাটিত জীৱন-কেন্দ্ৰ
  খোপ এৰিলে নাপাবি ঠাই
  আত্মৰক্ষা কৰি জী থাক
  জীৱনৰ জয়-মালিতা গাই।
• তিলতিলকৈ মৰি গ'ইও
  মাটি-ভেটি উছন হ'ইও
  তত্ নচপা এলেহুৱা ইমান আছে ক'ত ?
  নিজক নিজে খোৱা শাসন-বিধান চলে য'ত-
  তাৰে কথা ক'বিহুকাই ! তাৰে কথা ক'-
  ঢোলত কোবাই,পেপাত ফুকাই,তাৰে কথা ক'-