বালিময় তটভূমি সফেন সমুদ্ৰ (গ্ৰন্থ)

বালিময় তটভূমি সফেন সমুদ্ৰ (ইংৰাজী: Balimay Tatabhumi Saphen Samudra) ৰমানন্দন বৰা অনূদিত মধ্য প্ৰাচ্যৰ কবি খলিল জিব্ৰানৰ Sand and Foam-ৰ অসমীয়া ভাষান্তৰ৷ ২০০৩ চনৰ নৱেম্বৰত অসমৰ যোৰহাটৰ শব্দ প্ৰকাশৰ পৰা এই কিতাপখন প্ৰথম প্ৰকাশ হয়৷

উক্তি‍

• "মই কালিলৈকে নিজকে জীৱনৰ বৃত্তত ছন্দহীনভাৱে‍
  কঁপি‍ থকা এটা খণ্ড বুলি ভাবিছিলোঁ৷
  এতিয়া মই জানো যে ময়েই বৃত্ত, আৰু সমগ্ৰ জীৱনে মোৰ ভিতৰত
  ছন্দবদ্ধ খণ্ড ৰূপে ঘূৰে৷"
• "যেতিয়া মোৰ পাত্ৰ শূন্য হয়, মই শূন্যতাত‍ে বিচৰণ কৰোঁ;
  কিন্ত যেতিয়া ই আধা পূৰ্ণ হৈ থাকে, সেই অপূৰ্ণতা মোৰ সহ্য নহয়৷"
• "পাগল মানুহজন তোমাতকৈ বা মোতকৈ হীন সংগীতজ্ঞ নহয়;
  মাথোন তেওঁৰ বাদ্যযন্ত্ৰটো সামান্য বেসুৰা৷"
• "অনুগ্ৰহ কৰি তোমাৰ জন্মগত ত্ৰুটিসমূহ আহৃত গুণৰ চূণকামেৰে নাঢাকিবা৷
  মোৰ কিছুমান ত্ৰুটি আছে৷ সেইবোৰ মোৰ নিজা৷"
• "যদি ওজন আৰু জোখৰ ধাৰণাই নহ'লহেঁতেন আমি জোনাকী পৰুৱাৰ
  ওচৰত শিৰ নত কৰি থাকিলোঁহেতেন যেনেকৈ থাকোঁ সূৰ্যৰ সমুখত৷"
• "ইয়াত মাথোন দুটা বস্তুৱেই আছেঃ সৌন্দৰ্য আৰু সত্য৷
  সৌন্দৰ্য থাকে প্ৰেমিক-প্ৰেমিকাৰ অন্তৰত আৰু
  সত্য থাকে ভূমি চহ কৰা কৃষকজনৰ দুবাহুত৷"
• "কলা হৈছে প্ৰকৃতিৰ পৰা অনন্তকাললৈ এটা খোজ৷"