দেৱ আনন্দ

দেৱ আনন্দ (ইংৰাজী: Dev Anand; জন্ম: ধৰমদেৱ পিশোৰীমল আনন্দ; ২৬ ছেপ্টেম্বৰ ১৯২৩ – ৩ ডিচেম্বৰ ২০১১) আছিল এগৰাকী ভাৰতীয় অভিনেতা, সাহিত্যিক, পৰিচালক আৰু প্ৰযোজক। তেওঁ হিন্দী চলচ্চিত্ৰত তেওঁৰ কামৰ বাবে পৰিচিত। আনন্দক ভাৰতীয় চলচ্চিত্ৰ জগতৰ ইতিহাসৰ অন্যতম শ্ৰেষ্ঠ আৰু সফল অভিনেতা হিচাপে গণ্য কৰা হয়।

উদ্ধৃতি

• জীৱনটো বৰ চুটি। লাহে লাহে কথা ক'বলৈ মোৰ সময় নাই।
  • দেৱ আনন্দৰ প্ৰেৰণাদায়ক উক্তি [১]
• আপুনি এটা শিল্পকৰ্ম সৃষ্টি কৰে। আপুনি নাজানে যে ই ৰাজহুৱা গ্ৰহণযোগ্যতা পাব নে নাই। কেতিয়াবা শ্ৰেষ্ঠ চলচ্চিত্ৰবোৰে কোনো ব্যৱসায় নকৰে আৰু কেতিয়াবা এনে কিছুমান চলচ্চিত্ৰই সেয়া কৰে যিবোৰ ইমান ভাল নহয়।
• মই ইচ্ছা কৰিলে বম্বেৰ আধা অংশ শাসন কৰিব পাৰিলোহেঁতেন।
• জীৱন মানেই ৰিস্ক লোৱা, আপুনি যদি কেতিয়াও ৰিস্ক নলয় তেনেহʼলে আপুনি একোৱেই অৰ্জন কৰিব নোৱাৰিব।
• মহৎ কাম কৰাৰ একমাত্ৰ উপায় হʼল আপুনি যি কৰে তাক ভালপোৱা।
• অনুগামী নহব, নেতা হওক।
  • অভিনেতাৰ ৯টা উক্তি [২]
• চলচ্চিত্ৰ নিৰ্মাণ এক অতি জটিল বিষয়। ই সম্পূৰ্ণৰূপে মোৰ কেঁচুৱাৰ দৰে। মই এগৰাকী সম্পূৰ্ণ পেছাদাৰী। মই ধাৰণা এটাৰ কল্পনাৰ পৰা আৰম্ভ কৰি ইয়াৰ চূড়ান্ত বাস্তৱায়নলৈকে চলচ্চিত্ৰৰ পৰিকল্পনা কৰোঁ।