ছাইনা নেহৱাল
ছাইনা নেহৱাল (জন্ম ১৭ মাৰ্চ, ১৯৯০) এগৰাকী ভাৰতীয় বেডমিণ্টন খেলুৱৈ।
উদ্ধৃতিসমূহ
[সম্পাদনা কৰক | উৎস সম্পাদনা]- আচলতে, মই এগৰাকী অতি শক্তিশালী খেলুৱৈ। মানসিকভাৱে বহুত কঠিন। মই ইমান সহজে হাৰ নামানো। মই মোৰ প্ৰতিপক্ষক কঠোৰ পৰিশ্ৰম কৰিবলৈ বাধ্য কৰাওঁ।
- মই নাজানো, কিন্তু সৰুৰে পৰাই মই যিকোনো প্ৰতিযোগিতাত অংশগ্ৰহণ কৰিলেই জিকাৰ এটা অভ্যাস আছিল... যিকোনো ইভেণ্টতে। এইটো কেৱল বেডমিণ্টনৰ ক্ষেত্ৰতে নাছিল। মই আচলতে এগৰাকী অতি আক্ৰমণাত্মক ব্যক্তি আছিলোঁ। মই সকলো ধৰণৰ খেল খেলিছিলোঁ। গতিকে মই যিয়েই খেল নেখেলোঁ কিয়, যদি দেখোঁ যে আনে মোৰতকৈ বেছি পইণ্ট পাইছে... মই সেয়া সহিব নোৱাৰিছিলোঁ। মই তেওঁতকৈ ভাল কৰিবই লাগিব।
- মই এগৰাকী পেছাদাৰী খেলুৱৈ আৰু চাপ প্ৰতিটো পেছাদাৰী খেলৰে অংশ। পদক পোৱাৰ পথত যদি মই চীনৰ খেলুৱৈক পৰাস্ত কৰিব পাৰোঁ, তেন্তে সেয়া মোৰ বাবে এটা সপোন পূৰণ হোৱাৰ দৰে হ’ব; গতিকে যদি তাত চাপ আছে, তাৰ লগতে প্ৰেৰণাও আছে।
- "Sportskeeda"ৰ বিশেষ সাক্ষাৎকাৰ (১৯ এপ্ৰিল ২০১২)
- মই বিশ্বাস কৰোঁ যে আন্তঃৰাষ্ট্ৰীয় পৰ্যায়ত শাৰীৰিক সক্ষমতাহে আটাইতকৈ বেছি গুৰুত্বপূৰ্ণ। কাৰণ যেতিয়া আপুনি সেই পৰ্যায়ত প্ৰতিযোগিতা কৰে, তেতিয়া সকলোৰে দক্ষতা থাকেই; যিগৰাকী খেলুৱৈৰ মানসিক আৰু শাৰীৰিক সক্ষমতা প্ৰতিপক্ষতকৈ ভাল, তেৱেঁই জয়ী হয়। গতিকে হয়, আন্তঃৰাষ্ট্ৰীয় পৰ্যায়ত ফিটনেছ একেবাৰেই অপৰিহাৰ্য।
- "Sportskeeda"ৰ বিশেষ সাক্ষাৎকাৰ (১৯ এপ্ৰিল ২০১২)
- মোৰ কাম হ’ল মানুহৰ আশাৰ সৈতে খাপ খোৱা ফলাফল দিয়া, আৰু এইটোৱে মোৰ বাবে এক শক্তিশালী প্ৰেৰণা হিচাপে কাম কৰি আহিছে।
- "Sportskeeda"ৰ বিশেষ সাক্ষাৎকাৰ (১৯ এপ্ৰিল ২০১২)
- মই মোৰ শ্ৰেষ্ঠখিনি দিবলৈ সাজু। হয়, অলিম্পিকত ভাৰতৰ হৈ পদক জিকাটো মোৰ সপোন। কিন্তু মই খোজত খোজ মিলাই আগবাঢ়িম; মই মোৰ এশ শতাংশ দিম আৰু বাকীখিনি ভগৱানৰ ওপৰত এৰিম।
- "Sportskeeda"ৰ বিশেষ সাক্ষাৎকাৰ (১৯ এপ্ৰিল ২০১২)
- যেতিয়া মই নিজক ক’ৰ্টত লৰচৰ কৰা দেখোঁ, মই বুজিব পাৰোঁ যে তাত অলপ সংগ্ৰাম আছে আৰু যেতিয়া কথাবোৰ স্বয়ংক্ৰিয়ভাৱে মুকলি হ’ব, তেতিয়া ফলাফলবোৰ আহিব।
- "Firstpost"ত প্ৰকাশিত সাক্ষাৎকাৰ (৯ মে' ২০১৭)
- এই গোটেই বছৰবোৰত মই ইমান কষ্ট কৰিছোঁ, আৰু সেই কষ্টৰ ফল আজি ১ নম্বৰ স্থানত উপনীত হোৱা দেখি সঁচাকৈয়ে বিশেষ অনুভৱ হৈছে। কিন্তু ইয়াৰ লগে লগে দায়িত্ববোৰো বহুগুণে বাঢ়ি যায় কাৰণ মানুহৰ প্ৰত্যাশা বাঢ়ি গৈ থাকে। অৱশ্যে মই কেতিয়াও মোৰ শ্ৰেষ্ঠখিনি দিয়াৰ পৰা পিছহুহকি অহা নাই আৰু অনাগত বছৰবোৰতো তেনেদৰেই কৰি যাম।
- "The Huffington Post"ত প্ৰকাশিত সাক্ষাৎকাৰ (২৩ মে' ২০১৫)
- মোৰ মা আৰু দেউতা মোৰ জীৱনৰ দুটা শক্তিশালী স্তম্ভ।
- "The Huffington Post"ত প্ৰকাশিত সাক্ষাৎকাৰ (২৩ মে' ২০১৫)
- মই সকলো বেডমিণ্টন খেলুৱৈৰ সৈতে বন্ধুসুলভ কিন্তু খেলপথাৰত আমাৰ মনোভাৱ সলনি হয় কাৰণ আমি এই সম্পৰ্কবোৰৰ বাবে খেলত হাৰিব নিবিচাৰোঁ।
- "The Huffington Post"ত প্ৰকাশিত সাক্ষাৎকাৰ (২৩ মে' ২০১৫)
- এটা মূহূৰ্ত যিটো আটাইতকৈ সুকীয়া, আৰু মই ইয়াক বিশ্বৰ ১ নম্বৰ স্থানতকৈও ডাঙৰ বুলি গণ্য কৰোঁ, সেইটো হ’ল ২০১২ চনৰ লণ্ডন অলিম্পিকত জিকা পদক আৰু পিছফালে বাজি থকা ভাৰতীয় জাতীয় সংগীত। সেই সময়ত মোৰ কেনে অনুভৱ হৈছিল মই প্ৰকাশ কৰিব নোৱাৰোঁ।
- "The Huffington Post"ত প্ৰকাশিত সাক্ষাৎকাৰ (২৩ মে' ২০১৫)
- মই আশা কৰোঁ যে ভৱিষ্যতে আৰু বহুতো ছাইনা নেহৱাল আৰু ছানিয়া মিৰ্জাৰ জন্ম হ’ব।
- "The Huffington Post"ত প্ৰকাশিত সাক্ষাৎকাৰ (২৩ মে' ২০১৫)
- লক্ষ্য সদায় দেশৰ হৈ খেলা আৰু গৌৰৱ কঢ়িয়াই অনাটোৱেই। এইটো একেই আছে।
- "The Huffington Post"ত প্ৰকাশিত সাক্ষাৎকাৰ (২৩ মে' ২০১৫)
