সমললৈ যাওক

গং লি

ৱিকিউদ্ধৃতিৰ পৰা
২০১৬ চনত গং লি

গং লি (চীনা: 巩俐) (জন্ম: ৩১ ডিচেম্বৰ ১৯৬৫) এগৰাকী চীনা অভিনেত্ৰী। তেওঁ শ্ৰেষ্ঠ আন্তৰ্জাতিক ফিচাৰ ফিল্মৰ একাডেমী বঁটাৰ বাবে মনোনীত হোৱা চাৰিখন চীনা ভাষাৰ চলচ্চিত্ৰৰ ভিতৰত তিনিখনতে অভিনয় কৰিছিল।

গং ২০০০ চনৰ বাৰ্লিন চলচ্চিত্ৰ মহোৎসৱ আৰু ২০০২ চনৰ ভেনিচ চলচ্চিত্ৰ মহোৎসৱত জুৰীৰ মুৰব্বী আছিল, এই দুয়োটা অনুষ্ঠানতে এনে পদবী লাভ কৰা তেওঁ প্ৰথমগৰাকী এছিয়ান ব্যক্তি। তেওঁৰ সমগ্ৰ কেৰিয়াৰত গঙে তিনিটাকৈ হানড্ৰেড ফ্লাৱাৰ্ছ এৱাৰ্ড, দুটাকৈ গোল্ডেন ৰুষ্টাৰ এৱাৰ্ড, এটা হংকং ফিল্ম এৱাৰ্ড আৰু বাৰ্লিন তথা কান চলচ্চিত্ৰ মহোৎসৱত সন্মানীয় বঁটা লাভ কৰিছে। ২০১০ চনত ফ্ৰান্স চৰকাৰে তেওঁক 'অৰ্ড্ৰে ডেছ আৰ্টছ এট ডেছ লেট্ৰেছ'ৰ কামাণ্ডাৰ হিচাপে নিযুক্তি দিয়ে।

উদ্ধৃতিসমূহ

[সম্পাদনা কৰক | উৎস সম্পাদনা]
  • আপুনি যিয়েই নকৰক কিয়, তাৰ ওপৰত আপুনি মনোনিৱেশ কৰা উচিত। কামটো ভালদৰে কৰাত মনোনিৱেশ কৰক, আৰু আপুনি যি বিচাৰে সেয়া লাভ কৰিব। এজন অভিনেতা হিচাপে কেতিয়াবা নিজৰ স্থিতিত অটল থকাটো কঠিন হৈ পৰে কাৰণ বৰ্তমানৰ সমাজত বহুতো প্ৰলোভন আছে। আপুনি যাক ভাল পায় তাৰ সৈতে কেনেকৈ লাগি থাকিব? কেৱল প্ৰকৃত প্ৰেমেহে আপোনাক তাৰ সৈতে সংলগ্ন কৰি ৰাখিব পাৰে।
  • অৱশ্যে সংলাপৰ ক্ষেত্ৰত ভাষাগত পাৰ্থক্য থাকে আৰু ই সঁচাকৈয়ে প্ৰভাৱ পেলায়। যেতিয়া মই ইংৰাজীত কথা কওঁ, মোৰ প্ৰকাশভংগি বেলেগ হৈ পৰে। মোৰ মনোভাৱো সলনি হয়। মই নিশ্চিত নহওঁ কিয়, কিন্তু সঁচাকৈয়ে এটা পাৰ্থক্য আছে। ইংৰাজীত কথা কওঁতে মোৰ হাতৰ চলনবোৰ বেলেগ ধৰণৰ হয়। কিন্তু অভিনয়ৰ ক্ষেত্ৰত ইমান পাৰ্থক্য নাই। মই এখন বিদেশী ছবিত কাম কৰিছোঁ বুলিয়েই যে মোৰ দৃষ্টিভংগী বেলেগ হ'ব তেনে নহয়। মোৰ প্ৰশিক্ষণে মোক কেইবাটাও ভিন্ন সম্ভাৱনাৰ সৈতে যোগাযোগ কৰাৰ সুযোগ দিছিল। কলেজৰ চাৰি বছৰে মোক এনে কিছুমান উৎকৃষ্ট শিক্ষকৰ সৈতে কাম কৰিবলৈ দিছিল যিয়ে মোক এটা ভাল ভেটি প্ৰদান কৰিছিল।
এগৰাকী অভিনেত্ৰীক মানুহৰ সন্মানৰ প্ৰয়োজন। মই বিশ্বৰ বাবে অধিক ভাল কাম আৰু ভাল চৰিত্ৰ সৃষ্টি কৰি যাব বিচাৰো। ভৱিষ্যতে মই তাকেই কৰা উচিত।
  • আপুনি যি কামত দক্ষ, সেই কামত মনোনিৱেশ কৰিবলৈ শিকক। বিশেষকৈ যদি আপোনাৰ অভিনয়ৰ প্ৰতি জন্মগত প্ৰতিভা থাকে, তেন্তে প্ৰশিক্ষণে আপোনাক অতি সোনকালে উন্নতি কৰাত সহায় কৰে। ই আপোনাক আপোনাৰ প্ৰতিভা চিনাক্ত কৰাত আৰু অতিৰিক্ত শিল্পী বা পাৰ্শ্ব চৰিত্ৰৰ দৰে চৰিত্ৰ গ্ৰহণৰ পৰা আঁতৰি থকাত সহায় কৰে যিবোৰ আপোনাৰ কেৰিয়াৰৰ বাবে সিমান লাভজনক নহয়।
  • এগৰাকী অভিনেত্ৰী হিচাপে চৰিত্ৰ এটা গ্ৰহণ কৰাৰ মোৰ মাপকাঠিবোৰ হ'ল— পৰিচালক কোন, সহ-শিল্পী কোন আৰু সকলোতকৈ ওপৰত এখন ভাল চিত্ৰনাট্য আছে নে নাই – এইবোৰ চলচ্চিত্ৰ বা টিভি চৰিত্ৰ যিয়েই নহওক কিয় মোৰ বাবে প্ৰায় একেই।
  • চলচ্চিত্ৰ উদ্যোগত কাম কৰাৰ বাবে চীন এতিয়াও এখন ভাল ঠাই। প্ৰতিখন দেশৰে নিজস্ব ৰাজনৈতিক ব্যৱস্থা থাকে। চীনৰ জনসংখ্যা প্ৰায় ১৪০ কোটি, গতিকে ইয়াত এক সুশৃংখল আৰু শক্তিশালী শাসনৰ প্ৰয়োজন।
  • কৰ সংক্ৰান্তীয় বিষয়টো এক সাৰ্বজনীন বিষয় – সকলোৱে নিজৰ কৰ পৰিশোধ কৰা উচিত আৰু তাৰ বাবে দায়িত্বশীল হোৱা উচিত।
  • চলচ্চিত্ৰ মোৰ জীৱনৰ এক গুৰুত্বপূৰ্ণ অংশ; মই প্ৰতিটো চৰিত্ৰ বুজি পোৱা আৰু ফুটাই তোলাৰ বাবে মোৰ সৰ্বশ্ৰেষ্ঠখিনি দিবলৈ চেষ্টা কৰোঁ, লগতে চলচ্চিত্ৰ জগতত উৎসাহেৰে নিজকে নিয়োজিত কৰোঁ।
মোৰ লক্ষ্য হৈছে মোৰ চৰিত্ৰবোৰৰ বিভিন্ন জীৱন – তেওঁলোকৰ উত্থান-পতনবোৰ অনুভৱ কৰা। দৰ্শকৰ বাবে চিৰস্মৰণীয় চৰিত্ৰ এৰি যোৱাই মোৰ সপোন।
  • অৰ্থনৈতিক উন্নয়নে সমৃদ্ধি আনিব পাৰে কিন্তু ই কলা আৰু সংস্কৃতিৰ বাবে বাধাৰো সৃষ্টি কৰিব পাৰে।
  • যেতিয়া মই মোৰ সম্ভাৱনাক স্পৰ্শ কৰিব পৰা আৰু মোৰ সামৰ্থ্যক সম্পূৰ্ণৰূপে মুকলি কৰি দিব পৰা কোনো চৰিত্ৰত অভিনয় কৰোঁ, তেতিয়া মোৰ মন নপলায়। কিন্তু যদি মই এটা সাধাৰণ চৰিত্ৰ পাওঁ, মই কেতিয়া দৃশ্যগ্ৰহণ শেষ হ'ব তাৰ বাবে অপেক্ষা কৰি থাকোঁ।
  • মই কেৱল অভিনয় কৰিব লাগে কাৰণে হলিউডৰ কোনো অপ্ৰাসংগিক চৰিত্ৰত অভিনয় কৰিব নিবিচাৰোঁ।
  • বঁটা জয় কৰাতকৈ চিনেমাখন আন্তৰ্জাতিক পৰ্যায়ত স্বীকৃতি পোৱাটো অধিক গুৰুত্বপূৰ্ণ। চিনেমা কেৱল পইচা উপাৰ্জনৰ বাবে নিৰ্মাণ কৰা নহয় – ই কলাৰ এক অসীম ৰূপ।
  • মই মানুহক সন্তুষ্ট কৰিবলৈ নিজক সলনি নকৰোঁ কাৰণ মই এজন মনোৰঞ্জনকাৰী নহওঁ। মই এগৰাকী অভিনেত্ৰী। এয়া মোৰ পেছা আৰু এয়াই মোৰ গৌৰৱ।
  • চীনৰ অনুৰাগীসকল বিদেশৰ অনুৰাগীসকলতকৈ বহুত বেলেগ। চীনত বহুত মানুহে মোক সঁচাকৈয়ে ভাল পায় আৰু মোৰ জীৱনৰ বিষয়ে যত্ন লয়। কিন্তু এই ভালপোৱাৰ মাজত সদায় অলপ ঈৰ্ষাও মিহলি হৈ থাকে। মই ভাবো এয়াই ডাঙৰ পাৰ্থক্য। বিদেশত তেনে একো নাই।
  • মই ভাবো মোৰ ব্যক্তিত্ব এগৰাকী আধুনিক, শক্তিশালী চীনা মহিলাৰ দৰে। মই ভাগ্যত বিশ্বাস নকৰোঁ। বহুত বস্তু আছে যিবোৰ সলনি কৰিব পৰা যায়। মই অসুবিধাৰ ওচৰত পৰাস্ত হ'বলৈ ভাল নাপাওঁ। মই স্বাধীনতা ভাল পাওঁ, সেয়েহে যেতিয়া মই এটা চৰিত্ৰ গঢ়ি তোলোঁ, মই সাধাৰণতে মোৰ ধৰণে কৰোঁ। চৰিত্ৰ এটাৰ মাজত মই সদায় মোৰ নিজৰ ব্যক্তিত্বৰ কিছু অংশ বিচাৰি পাওঁ।
"https://as.wikiquote.org/w/index.php?title=গং_লি&oldid=26326"ৰ পৰা অনা হৈছে