কাৰ্তিক আৰিয়ান
কাৰ্তিক আৰিয়ান (জন্ম: ২২ নৱেম্বৰ ১৯৯০) এজন ভাৰতীয় অভিনেতা যিয়ে প্ৰধানকৈ হিন্দী চলচ্চিত্ৰত কাম কৰে। অভিযান্ত্ৰিক ডিগ্ৰী লাভৰ বাবে অধ্যয়ন কৰি থকাৰ সময়তে তেওঁ লাভ ৰঞ্জনৰ ছবি প্যাৰ কা পঞ্চনামা (২০১১) যোগে অভিনয় জগতত আত্মপ্ৰকাশ কৰে। তেওঁ ৰঞ্জনৰ কৌতুকধৰ্মী ছবি প্যাৰ কা পঞ্চনামা ২ (২০১৫) আৰু চনু কে টিটু কি চুইটি (২০১৮)ৰ জৰিয়তে ব্যৱসায়িক সফলতা লাভ কৰিছিল।
উদ্ধৃতিসমূহ
[সম্পাদনা কৰক | উৎস সম্পাদনা]- "মোৰ কোনো 'প্লেন বি' (বিকল্প পৰিকল্পনা) নাছিল। যদি মই এই কেৰিয়াৰটো গঢ়িব নোৱাৰিলোঁহেঁতেন, তেন্তে মই কি কৰিলোঁহেঁতেন নাজানো। মোৰ যোৱাৰ কোনো ঠাই নাছিল, মই খেলিমেলিৰ মাজত আছিলোঁ আৰু সংগ্ৰাম কৰি আছিলোঁ। সেই সময়ত যদি মই কিবা বিকল্পৰ কথা ভাবিলোঁহেঁতেন, তেন্তে মই আজি ইমান দূৰ পালেহি নোৱাৰিলোঁহেঁতেন। মই পৰিচালনাৰ প্ৰতি আগ্ৰহী, কিন্তু তাৰ বাহিৰে আন একো নহয়।"
- "মই জানো যে মই এই কথাটো বহুবাৰ শুনো, কিন্তু আচল কথাটো হ’ল মই সদায় দিয়া সুযোগবোৰৰ পৰাই মোৰ বহুমুখী প্ৰতিভা প্ৰমাণ কৰিবলৈ চেষ্টা কৰিছোঁ। চাওক, মানুহে এজন অভিনেতাক তেওঁৰ হিট ছবিবোৰৰ জৰিয়তেহে মনত ৰাখে। যিহেতু 'প্যাৰ কা পঞ্চনামা' শৃংখলাৰ মোৰ দুয়োখন ছবিই সফল হৈছিল, সেয়েহে মানুহে ভাবে যে মই তেনেধৰণৰ চৰিত্ৰতহে ভাল।"
- "মই যাক ভাল পাওঁ তেওঁক মান্তি কৰিবলৈ চেষ্টা কৰোঁ। আনকি দিনটো আৰম্ভ কৰিবলৈ এটা সুপ্ৰভাতৰ কলে মোৰ বাবে যথেষ্ট।"
- "মানুহে মোৰ চৰিত্ৰবোৰৰ সৈতে নিজকে জড়িত কৰিব পাৰে আৰু মোক এটা বেলেগ দৃষ্টিৰে চায়। তেওঁলোকে মোক চিনি পায় আৰু মোৰ চৰিত্ৰবোৰৰ সূক্ষ্ম দিশবোৰ মনত ৰাখে। এজন অভিনেতাৰ জীৱন কেৱল তেওঁৰ নিজৰ নহয়: ই সকলোৰে জীৱন। একোৱেই ব্যক্তিগত নহয়। যদি আপুনি কামৰ ক্ষেত্ৰত বহুত ভাল কৰি আছে, তেন্তে এয়া আপুনি দিব লগা মূল্য।"
- "মই গৌৰৱেৰে নিজকে এজন 'ফেন-মেড হিৰো' (অনুৰাগীয়ে গঢ়া নায়ক) বুলি কওঁ কাৰণ এই সকলোবোৰ বছৰত মই যি মৰম পাইছোঁ সেয়া অপৰিসীম। মই আশা কৰোঁ অনুৰাগীৰ পৰা পোৱা এই মৰম সদায় বাঢ়ি থাকক। মই মোৰ অনুৰাগীৰ পৰা পোৱা মনোযোগ উপভোগ কৰোঁ আৰু ইয়াৰ বাবে হাবিয়াস কৰোঁ। পাছৰ মুহূৰ্তত কি হ’ব সেয়া নজনটো অনিশ্চয়তা আৰু ভয়ংকৰ। পাছত কি হ’ব— এয়া এটা ইউনিট টেষ্ট বা পৰীক্ষাৰ দৰে। এনেকুৱা এটা দিন আহিব পাৰে যেতিয়া আপুনি সাৰ পাই ভাবিব পাৰে, যদি আপুনি বিফল হয় তেতিয়া কি হ’ব। কিন্তু ইয়াৰ মাজতেই সৌন্দৰ্য লুকাই আছে। আপুনি সদায় আশা কৰে— আপোনাৰ ছবি, সাক্ষাৎকাৰ, এই ক্ষেত্ৰত আপুনি কৰা সকলোবোৰ এটা পৰীক্ষা আৰু ই ৰোমাঞ্চকৰ। মই সেইটো কৰি উপভোগ কৰোঁ।"
