কবিতাৰ সংজ্ঞা

কবিতা হ'ল সাহিত্যৰ এটা বিশিষ্ট ভাগ। বিভিন্নজনে কবিতাৰ সংজ্ঞা দিবলৈ যত্ন কৰিছে৷ সাহিত্যৰ আটাইবোৰ বিভাগৰ ভিতৰত আটাইতকৈ ডাঙৰ আৰু পুৰণি ভাগটোৱেই হ'ল কবিতা।

উদ্ধৃতিসমূহ

• কবিতা হ'ল ছন্দোবদ্ধ ৰচনা-- ড০ জনছন।
• কবিতা হ'ল যুক্তিবুদ্ধিক কল্পনাৰে দীপ্ত কৰি সত্যৰ লগত আনন্দৰ সমন্বয় সাধনৰ কলা-- ড০ জনছন।
• নিৰলাত সোঁৱৰা হিয়াৰ আবেগেই কবিতা-- ৱৰ্ডচৱৰ্থ।
• উপচি উঠি আপোনা আপুনি পাৰ বাগৰি যোৱা আবেগৰ ঢলেই কবিতা -- ৱৰ্ডচৱৰ্থ।
• কবিতা হ'ল জীবন বীক্ষা-- মেথিউ আৰ্ণল্ড।
• উৎকৃষ্টতম শব্দ পুঞ্জৰ উৎকৃষ্ট তম বিন্যাসেই কবিতা-- ক'লৰিজ।
• কবিতা হ'ল স্মৰণীয় বাক্য-- অডেন।
• কবিতা হ'ল সংগীতময় চিন্তা-- কাৰ্লাইল।
• কবিতা হ'ল, আবেগময় আৰু ছন্দস্পন্দিত ভাষাৰ মাধ্যমত মানৱীয় মনৰ মূৰ্তিমান আৰু শিল্পিত অভিব্যক্তি --- থিয়োডৰ ৱাটছ ডাণ্টন।
• শব্দাৰ্থৌ সহিত কাব্যম (শব্দ আৰু অৰ্থৰ যুগল বসতিয়েই কবিতা) -- ভামহ (কাব্যালংকাৰ)
• বাক্যং ৰসাত্মকং কাব্যম (ৰসময় বাক্যই কবিতা) --বিশ্বনাথ কবিৰাজ (সাহিত্য দৰ্পণ)।