ইৰম চানু শৰ্মীলা
ইৰম চানু শৰ্মীলা (জন্ম ১৪ মাৰ্চ ১৯৭২), "মনিপুৰৰ লৌহ নাৰী" বা "মেংগৌবি" নামেৰে জনাজাত, উত্তৰ-পূৰ্ব ভাৰতৰ ৰাজ্য মণিপুৰৰ এগৰাকী ভাৰতীয় নাগৰিক অধিকাৰ কৰ্মী, ৰাজনৈতিক কৰ্মী আৰু কবি। ২০০০ চনৰ নৱেম্বৰ মাহত তেওঁ সশস্ত্ৰ বাহিনী (বিশেষ ক্ষমতা) আইন, ১৯৫৮ বাতিল কৰাৰ দাবীত অনশন আৰম্ভ কৰিছিল। ২০১৬ চনত ১৬ বছৰৰ পাছত আৰু ৫০০ সপ্তাহতকৈ অধিক সময় ধৰি হেফাজতত নাকৰ জৰিয়তে জোৰকৈ খুৱাই ৰখাৰ পিছত তেওঁ নিজৰ অনশন ভংগ কৰিছিল। সেয়ে তেওঁক বিশ্বৰ আটাইতকৈ দীৰ্ঘ সময়ৰ অনশনকাৰী হিচাপে ধৰা হয়। এমনেষ্টি ইণ্টাৰনেচনেলে তেওঁক বিবেকৰ বন্দী (prisoner of conscience) বুলি ঘোষণা কৰিছে।
উক্তি
[সম্পাদনা কৰক | উৎস সম্পাদনা]- AFSPA বাতিল কৰা দিনটোত মই মোৰ মাৰ হাতৰ ভাত খাম।
- "A Life-Affirming Fast", Economic & Political Weekly (23 March 2013)
- মই ১৬ বছৰৰ উপবাসৰ পৰা একো নাপালোঁ। মই নিৰ্বাচনত প্ৰতিদ্বন্দ্বিতা কৰিব বিচাৰো আৰু মুখ্যমন্ত্ৰী হ’ব বিচাৰো, কাৰণ সমাজ আৰু ব্যৱস্থাত ডাঙৰ পৰিৱৰ্তন আনিবলৈ মোক ক্ষমতাৰ প্ৰয়োজন হ'ব।
- Irom Sharmila ends fast, says "want to become Manipur CM", Hindustan Times (9 August, 2016)
- মোক সাধুসকলৰ এক প্ৰতিমূৰ্তি হিচাপে চিহ্নিত কৰা হৈছে। মোৰ উপবাস আৰম্ভ হোৱাৰ পৰা মানুহৰ মানসিকতাত কোনো পৰিৱৰ্তন হোৱা নাই। তেওঁলোকে মোক প্ৰতিবাদৰ এটা প্ৰতীক হিচাপে ধৰি ৰাখিয়েই সন্তুষ্ট হৈ আছে। তেওঁলোকে মই এগৰাকী শ্বহীদ হোৱাতো বিচাৰিছিল।
- Irom Sharmila: I want to be free like a bird and fly, BBC (10 August, 2016)
