অশান্ত প্ৰহৰ

অশান্ত প্ৰহৰ কাঞ্চন বৰুৱাৰ এখন উল্লেখযোগ্য উপন্যাস। জল, স্থল, অন্তৰীক্ষ ছাটি পৃথিৱীৰ ইমূৰৰ পৰা সিমূৰলৈকে কঁপাই তোলা দ্বিতীয় মহাসমৰৰ প্ৰচণ্ড বা-মাৰলিৰ মাজতো আৰু বেছি উতপ্ত আৰু দুৰ্বাৰ হৈ উঠা অসম তথা ভাৰতৰ কোটি কোটি নিষ্পেষিত জনতাৰ অপৰিসীম ত্যাগেৰে ভৰা দেশৰ মুক্তি-আন্দোলনৰ পটভূমিত ৰচিত উপন্যাসখন প্ৰথম প্ৰকাশ হৈছিল ১৯৭৭ চনৰ অক্টোবৰত গুৱাহাটী বুক ষ্টল প্ৰকাশনৰ দ্বাৰা।

উদ্ধৃতি

1. "যুদ্ধ-কেৱল যুদ্ধ। চাৰিওফালে জীৱন-মৰণ পণ কৰি উন্মাদ হৈ উঠা সমগ্ৰ বিশ্ব-মানৱতাৰ ৰক্তক্ষয়ী যুদ্ধ। সি চলিছে সমগ্ৰ ইউৰোপত, এছিয়াৰ ৰণাঙ্গনত, আফ্ৰিকাৰ মৰুভূমিত, পূৰ্ব সীমান্তৰ দ্বীপে দ্বীপে।"
2. "আমাৰ পাখি নাথাকিলেও ভৰি আছে, হাত আছে, নাই মাথো উইজদম।"
3. "ত্যাগৰ মাজেৰে, মানৱতাৰ সেৱাৰ মাজেৰে, দেশৰ এই মুক্তি-যজ্ঞত আমাৰ প্ৰত্যেকজন ডেকা-গাভৰু, কিশোৰ-কিশোৰীয়ে জীৱন পণ কৰি ইয়াত যোগ দিয়াই হ'ল আজি আমাৰ একমাত্ৰ কৰ্তব্য- একমাত্ৰ ধৰ্ম।"